கமல்ஹாசனின் 'நம்மவர்' நடிகரின் ரீ எண்ட்ரி
- IndiaGlitz, [Sunday,August 30 2015]
உலக நாயகன் கமல்ஹாசனால் 'நம்மவர்' படத்தில் அறிமுகமான நடிகர் கரண் அதன்பின்னர் பல படங்களில் நாயகனாகவும், ஒருசில படங்களில் நாயகன்களுக்கு நண்பர்களாகவும் நடித்தார். ரஜினி, கமல் காலத்தில் நண்பன் வேடத்திற்கு பொருத்தமாக இருந்த சரத்பாபு போல, அஜீத், விஜய், பிரசாந்த் போன்ற நடிகர்களுக்கு நண்பனாக பல படங்களில் நடித்தவர் கரண். கரண் நாயகனாக நடித்த படங்களில் கொக்கி, கருப்பசாமி குத்தகைதாரர், தீநகர், காத்தவராயன், மலையன், தம்பி வெட்டோத்தி சுந்தரம் ஆகிய படங்கள் குறிப்பிடத்தக்கவை.
இந்நிலையில் ஒரு சிறிய இடைவெளிக்கு பின்னர் தற்போது கரண் மீண்டும் ரீஎண்ட்ரி ஆகியுள்ளார். 'உச்சத்துல சிவா' என்ற படத்தில் கரண் வித்தியாசமான கேரக்டரில் நடிக்க ஒப்பந்தமாகியுள்ளார். அவருக்கு ஜோடியாக நேஹா என்ற புதுமுகம் நடிக்கவுள்ளதாகவும், இந்த படத்தை அறிமுக இயக்குனர் ஜெப்பி என்ற இயக்கவுள்ளதாகவும் செய்திகள் வெளிவந்துள்ளது. இந்த படத்தில் ஹாலிவுட் நடிகர் மைக்கேல் கரணுக்கு வில்லனாக நடிக்கவுள்ளார். வித்யாசாகர் இசையமைக்கும் இந்த படம் கரணுக்கு நல்ல பிரேக்கை கொடுக்கும் என எதிர்பார்க்கப்படுகிறது.
இந்த படம் குறித்து கரண் கூறியபோது, 'இந்த படத்தில் என்னுடைய ரோல் முற்றிலும் வித்தியாசமானது. நான் இதுவரை முயற்சித்து பார்க்காத இந்த வேடத்தில் நடிக்கும் ஒவ்வொரு காட்சியும் எனக்கு புதுவித அனுபவத்தை கொடுத்துள்ளது' என்று கூறியுள்ளார்.