விஜய்யை அடுத்து கருணாநிதிக்கு அஞ்சலி செலுத்திய பிரபல நடிகர்
- IndiaGlitz, [Tuesday,August 14 2018]
திமுக தலைவர் கருணாநிதியின் மறைவின்போது அமெரிக்காவில் 'சர்கார்' படப்பிடிப்பில் இருந்த தளபதி விஜய், அமெரிக்காவில் இருந்து சென்னை திரும்பியதும் வீட்டிற்கு கூட செல்லாமல் விமான நிலையத்தில் இருந்து நேராக கருணாநிதி சமாதிக்கு சென்று அஞ்சலி செலுத்தினார்.
இந்த நிலையில் விஜய்யை அடுத்து தற்போது நடிகர் ஜீவா கருணாநிதி சமாதிக்கு அஞ்சலி செலுத்தியுள்ளார்.
ஏற்கனவே கருணாநிதி மறைந்த ஆகஸ்ட் 7ஆம் தேதி நடிகர் ஜீவா தனது சமூகவலைத்தளத்தில் கருணாநிதி மறைவு குறித்து, 'மரணம் வாழ்க்கையில் ஓர் அங்கம் என்பதை சொல்லித்தந்தது உன் பகுத்தறிவு. பகுத்தறிவாலும் ஏற்றுக்கொள்ள முடியவில்லை உன் மரணத்தை. போய் வா தமிழே! என்று பதிவு செய்திருந்தார் என்பது குறிப்ப்பிடத்தக்கது.