கடுமையான வெயிலில் நின்று போக்குவரத்தை ஒழுங்குபடுத்தும் காவல்துறையினர்கள் சுமார் 50 பேர்களுக்கு நடிகர் ஜெய்வந்த் கூலிங் கிளாஸ் வாங்கி கொடுத்துள்ளார்.

வெயில், மழை என பாராமல் மக்களின் பாதுகாப்புக்காக பணிபுரிந்து கொண்டிருப்பவர்கள் காவல்துறையினர்கள். குறிப்பாக போக்குவரத்து போலீசார்கள் கடும் வெயிலிலும் தங்களது பணியை கடமை தவறாது செய்து வருவதால்தான் டிராபிக் பிரச்சனையின்றி பயணம் செய்ய முடிகிறது.

இந்த நிலையில் போக்குவரத்து போலீசார்களுக்கு உதவிடும் வகையில் எழும்பூர் காவல்நிலையத்தில் பணிபுரிந்து கொண்டிருக்கும் 50 காவலர்களுக்கு நடிகர் ஜெய்வந்த் கூலிங்கிளாஸ் கண்ணாடிகளை வழங்கியுள்ளார். இதற்கு அனுமதி அளித்த காவல்துறையினர்களுக்கு அவர் நன்றி தெரிவித்துள்ளார்.

மத்திய சென்னை, காட்டுப்பய காளி ஆகிய படங்களில் நடித்துள்ள நடிகர் ஜெய்வந்த், தற்போது 'அசால்ட்' என்னும் படத்தில் நடித்து வருகிறார் என்பது குறிப்பிடத்தக்கது.