உயிரிழந்த ரசிகரின் குடும்பத்திற்கு உறுதிமொழி கொடுத்த ஜெயம்ரவி!
- IndiaGlitz, [Tuesday,June 14 2022]
ஜெயம் ரவியின் தீவிர ரசிகர் ஒருவர் சமீபத்தில் உயிரிழந்த நிலையில் அவரது வீட்டிற்கு சென்று அஞ்சலி செலுத்திய ஜெயம் ரவி அவரது குடும்பத்திற்கு ஒரு உறுதிமொழி கொடுத்து உள்ளதாக தகவல் வெளியாகியுள்ளது.
தமிழ் திரையுலகின் இளையதலைமுறை நடிகர்களில் ஒருவர் ஜெயம்ரவி என்பதும் அவருக்கு தமிழகத்தில் ஏராளமான ரசிகர்கள் உண்டு என்பதும் தெரிந்தது. இந்த நிலையில் ஜெயம்ரவியின் தீவிர ரசிகர் ஒருவர் சமீபத்தில் உயிரிழந்தார்.
இது குறித்த தகவல் அறிந்ததும் அந்த ரசிகரின் வீட்டுக்கு சென்று அவரது குடும்பத்தினருக்கு ஜெயம் ரவி ஆறுதல் கூறினார். அதுமட்டுமின்றி உயிரிழந்த ரசிகரின் உடன்பிறந்தவர்களின் கல்விச் செலவு முழுவதையும் தான் ஏற்றுக்கொள்வதாகவும் அவர் வாக்குறுதி அளித்துள்ளார். ஜெயம் ரவியின் இந்த உதவிக்கு திரையுலகினர் மட்டுமன்றி பொதுமக்களும் பாராட்டுகளை தெரிவித்து வருகின்றனர்.