நடிகர் ஜெய் கடந்த சில நாட்களுக்கு முன்னர் குடிபோதையில் கார் ஓட்டி அடையாறு அருகே விபத்து ஏற்படுத்தியதாக பதிவு செய்யப்பட்ட வழக்கு நேற்று சைதாப்பேட்டை நீதிமன்றத்தில் விசாரணைக்கு வந்தது. ஆனால் நேற்று நடிகர் ஜெய் ஆஜராகாததால் அவருக்கு பிடிவாரண்ட் பிறப்பிக்கப்பட்டது.

இந்த நிலையில் இன்று நடிகர் ஜெய் நீதிமன்றத்தில் ஆஜரானார். இன்றைய விசாரணையின்போது நடிகர் ஜெய்க்கும், காவல்துறை அதிகாரிகளுக்கும் நீதிபதி கண்டனங்கள் தெரிவித்திருந்ததை ஏற்கனவே பார்த்தோம்.

இந்த நிலையில் இந்த வழக்கின் தீர்ப்பு தற்போது அறிவிக்கப்பட்டுள்ளது. குடிபோதையில் கார் ஓட்டியதற்காக நடிகர் ஜெய்க்கு ரூ.5200 அபராதம் விதிக்கப்பட்டுள்ளது. அதுமட்டுமின்றி அவருடைய ஓட்டுனர் உரிமம் ஆறு மாதங்களுக்கு ரத்து செய்யப்படுகிறது. எனவே ஜெய் ஆறு மாதங்கள் இனி கார் ஓட்ட முடியாது என்பது குறிப்பிடத்தக்கது.