தமிழ் திரையுலகின் நடிகர்-இயக்குனர் காலமானார்: திரையுலகினர் இரங்கல்
- IndiaGlitz, [Wednesday,November 17 2021]
தமிழ் திரையுலகில் நடிகர், இயக்குனர் ,வசனகர்த்தா என்.ஆர். மனோகர் அவர்கள் இன்று காலமானார். அவருக்கு திரையுலகினர் இரங்கல் தெரிவித்து வருகின்றனர் என்பது குறிப்பிடத்தக்கது
பிரபல இயக்குனர் கே.எஸ் ரவிக்குமார் இயக்கத்தில் உருவான பேண்ட் மாஸ்டர், சூரியன் சந்திரன் உள்ளிட்ட திரைப்படங்களில் உதவி இயக்குனராகவும் அதன் பின்னர் சில படங்களில் வசனகர்த்தாவாகவும் பணிபுரிந்துள்ள என்.ஆர். மனோகர், பல திரைப்படங்களில் சிறு சிறு கேரக்டரில் நடித்துள்ளார். குறிப்பாக தல அஜித் நடித்த வீரம், விஸ்வாசம் உள்ளிட்ட படங்களில் நடித்துள்ளார் என்பது குறிப்பிடத்தக்கது
இந்த நிலையில் நடிகர், இயக்குனர் என்.ஆர். மனோகர் இன்று உடல்நலக்குறைவால் காலமானார். அவருக்கு திரையுலகினர் இரங்கல் தெரிவித்து வருகின்றனர் என்பது குறிப்பிடத்தக்கது. மறைந்த என்.ஆர். மனோகர் ;மாசிலாமணி’ ‘வேலூர் மாவட்டம்’ ஆகிய படங்களை இயக்கியுள்ளார் என்பது குறிப்பிடத்தக்கது. மேலும் இவர் திமுக எம்பி என்.ஆர்.இளங்கோ அவர்களின் சகோதரர் என்பது குறிப்பிடத்தக்கது.