நடிகர் தனுஷ் தனது பள்ளி கால நண்பர்களை சமீபத்தில் சந்தித்து எடுத்த புகைப்படம் இணையத்தில் வைரல் ஆகி வருகிறது.

நடிகர் தனுஷ் நடிப்பு, இயக்கம் என மாறி மாறி திரை உலகில் பிஸியாக இருக்கும் நிலையில் சமீபத்தில் நடைபெற்ற பள்ளி ரீயூனியன் நிகழ்ச்சியில் கலந்து கொண்டார். பல ஆண்டுகளுக்கு பிறகு அவர் தனது பள்ளி கால தோழர்களை சந்தித்து உற்சாகமாக எடுத்துக்கொண்ட புகைப்படங்கள் இணையதளத்தில் வைரல் ஆகி வருகிறது.

சிறுவயதிலேயே தனுஷ் நடிக்க வந்துவிட்டதால் அவர் பள்ளி மற்றும் கல்லூரி படிப்பை மிஸ் செய்ததாக பல பேட்டியில் தெரிவித்திருந்த நிலையில் தற்போது தமிழ் திரையுலகில் மிகப்பெரிய நடிகராக இருந்தாலும் மாணவர் பருவத்தை மறக்காமல் தன்னுடன் படித்த மாணவ மாணவிகளுடன் இணைந்து புகைப்படம் எடுத்துக் கொண்டார். இந்த புகைப்படம் தற்போது இணையத்தில் வைரல் ஆகி வருகிறது.

இந்த நிலையில் நடிகர் தனுஷ், ‘கேப்டன் மில்லர்’ என்ற படத்தில் நடித்து முடித்துள்ள நிலையில் தற்போது ’D50’ என்ற திரைப்படத்தை நடித்து இயக்கி வருகிறார். இந்த படத்தை முடித்தவுடன் அவர் சேகர் கம்முலா இயக்கத்தில் ஒரு படத்தில் நடிக்க உள்ளார் என்பதும் இந்த படத்தில் ராஷ்மிகா மந்தனா நாயகி ஆக நடிக்க உள்ளார் என்பதும் குறிப்பிடத்தக்கது.