நடிகர் பப்லுவுக்கு 55 வயது ஆகியிருக்கும் நிலையில் அவர் 23 வயது இளம் பெண்ணை திருமணம் செய்ய போகிறார் என்றும், அவர் திருமணம் செய்ய போகும் பெண் மலேசியாவை சேர்ந்தவர் என்றும் செய்தி சமூக வலைதளங்களில் பரவியது. இந்த செய்திக்கு ‘பல்லு இருக்குறவன் பக்கோடா சாப்பிடுறான்’ என்ற பிக்பாஸ் நடிகை காஜல் பசுபதி தெரிவித்திருந்தார் என்பதும் தெரிந்ததே.

இந்த நிலையில் இதுகுறித்து சமீபத்தில் அளித்த பேட்டியில் நடிகர் பப்லு மனம் திறந்து சில விஷயங்களை தெரிவித்துள்ளார். மேலும் செய்திகளில் வெளியானது போல் அந்த பெண்ணுக்கு 23 வயது அல்ல என்றும், 24 வயது என்றும் கூறினார். மேலும் அவர் மலேசியாவை சேர்ந்தவர் கிடையாது என்றும் அவர் ஆந்திரா தெலுங்கானாவை சேர்ந்த தெலுங்கு பெண் என்றும் கூறினார்.

மேலும் எனக்கு வயது 55 மற்றும் அந்த பெண்ணுக்கு வயது 24 என்பதால் அந்த பெண் திருமணம் செய்ய தயாராக இருந்தாலும் நான் தான் யோசிக்கின்றேன் என்றும் அந்த பெண்ணுக்கு நான் நிறைய டைம் கொடுத்து யோசிக்க கூறி இருக்கிறேன் என்றும் ஆனால் அவர் என்னை திருமணம் செய்வதில் உறுதியாக இருக்கிறார் என்றும் அந்த பெண்ணின் குடும்பத்தினர்களும் சம்மதம் தெரிவித்துவிட்டதாக கூறியுள்ளார். மேலும் யாருக்கு எந்த வயதில் காதல் வரும் என்பதை யாராலும் முடிவு செய்ய முடியாது என்றும் அவர் கூறியுள்ளார்

இதனை அடுத்து விரைவில் 24 வயது பெண்ணை நடிகர் பப்லு திருமணம் செய்ய போவது உறுதி என்பதை இந்த பேட்டியின் மூலம் தெரியவந்துள்ளது.