அஜித் நடித்த ’பில்லா’ ’ஆரம்பம்’ உள்பட சூப்பர் ஹிட் படங்களை இயக்கிய விஷ்ணுவர்தன் இயக்க இருக்கும் அடுத்த படத்தில் தளபதி விஜய்யின் உறவினர் நடிக்க உள்ளதாக தகவல்கள் வெளிவந்தது

நடிகர் முரளியின் இரண்டாவது மகன் மற்றும் நடிகர் அதர்வாவின் சகோதரர் ஆகாஷ் என்பது தெரிந்ததே. இவருக்கும் தளபதி விஜய்யின் நெருங்கிய உறவினரும் ‘மாஸ்டர்’ படத்தின் தயாரிப்பாளருமான பிரிட்டோவின் மகள் சினேகாவுக்கும் கடந்த ஆகஸ்ட் மாதம் திருமணம் நடைபெற்றது

இந்த நிலையில் திரைப்படங்களில் நடிக்க முயற்சித்து வந்த ஆகாஷ், பல இயக்குனரகளிடம் கதைகேட்ட நிலையில் இயக்குனர் விஷ்ணுவர்தன் கூறிய கதை பிடித்து விட்டதாகவும் இதனை அடுத்து அவரது இயக்கத்தில் உருவாகவிருக்கும் படத்தில் ஆகாஷ் நடிக்க இருப்பதாகவும் தெரிகிறது

விஷ்ணுவர்தன் தற்போது இந்தியில் ’ஷெர்ஷா’ என்ற படத்தை இயக்கி முடித்துள்ளார். இதனை அடுத்து விரைவில் ஆகாஷ் நடிக்கும் படத்தின் முதல்கட்ட பணியை தொடங்கவுள்ளதாக கூறப்படுகிறது.