சூர்யா கொடுத்த ரூ.20 லட்சம் யார் யாருக்கு? நடிகர் சங்கம் அதிரடி அறிவிப்பு
- IndiaGlitz, [Monday,August 31 2020]
தென்னிந்திய நடிகர் சங்கம் தற்போது தமிழக அரசின் தனி அதிகாரி வசம் இருக்கும் நிலையில் சமீபத்தில் நடிகர் சூர்யா நடிகர் சங்கத்திற்கு கொடுத்த ரூ.20 லட்சத்தை பிரித்து கொடுப்பது குறித்த அறிவிப்பை தென்னிந்திய நடிகர் சங்கத்தின் சாரிட்டபிள் டிரஸ்ட் சற்றுமுன் தெரிவித்துள்ளது.
இதுகுறித்து வெளியான அறிக்கை ஒன்றில் கூறியிருப்பதாவது: நடிகர் சூர்யா அவர்கள் தென்னிந்திய நடிகர்கள் அறக்கட்டளைக்கு ரூபாய் 20 லட்சம் நன்கொடை வழங்கி உள்ளார். அவருக்கு தென்னிந்திய நடிகர் சங்க சாரிட்டபிள் அறக்கட்டளை சார்பில் நன்றியை தெரிவித்துக்கொள்கிறோம்.
கொரோனா நோய் பரவல் காரணமாக தொழிலை இழந்து நிற்கும் இன்றைய சூழலில் நாடக மற்றும் மூத்த திரைப்பட நடிகர் நடிகைகள் பெரிதும் அவதிப்பட்டு வருகின்றனர். சூர்யா அவர்கள் வழங்கியுள்ள இந்த இருபது லட்ச ரூபாய் தென்னிந்திய நடிகர் சங்கத்தின் உறுப்பினராக உள்ள 2,000 நபர்களுக்கு விரைவில் பிரித்து வழங்கப்படும்’ என்று அந்த அறிவிப்பில் தெரிவிக்கப்பட்டுள்ளது.