கோலிவுட் திரையுலக நடிகர், நடிகைகள் திடீரென திருமணம் செய்து கொள்வது புதிதல்ல. சமீபத்தில் கூட நடிகை ஸ்ரேயாவின் ரகசிய திருமணம் குறித்த செய்தியை பார்த்தோம்

இந்த நிலையில் முருகா', கோழி கூவுது', 'காதல் சொல்ல ஆசை', 'உலா' உள்பட ஒருசில தமிழ் படங்களில் நடித்தவர் நடிகர் அசோக். இவர் கடந்த 19ஆம் தேதி வங்கியில் பணிபுரியும் சரண்யா என்பவரை திருப்பதியில் திருமணம் செய்து கொண்டதாக தனது சமூக வலைத்தளத்தில் பதிவு செய்துள்ளார். இதுவொரு காதல் திருமணம் என்றாலும் பெற்றோர்களின் சம்மத்ததுடன் நடந்த திருமணம் என்று அசோக் தெரிவித்துள்ளார்

எதிர்பாராத காரணத்தால் திடீரென திருமணம் நடைபெற்றுவிட்டதாகவும், இதனால் நண்பர்களை அழைக்க முடியவில்லை என்றும் கூறியுள்ள அசோக், விரைவில் திருமண வரவேற்பு நிகழ்ச்சியை ஏற்பாடு செய்து அனைவரையும் அழைக்க திட்டமிட்டுள்ளதாக தெரிவித்துள்ளார்.