ஆர்யாவின் அடுத்த படத்தின் படப்பிடிப்பு ஆரம்பம்.. இயக்குனர் இவர் தான்!
- IndiaGlitz, [Saturday,October 08 2022]
நடிகர் ஆர்யா நடித்த ’கேப்டன்’ திரைப்படம் கடந்த மாதம் வெளியாகி ரசிகர்கள் மத்தியில் நல்ல வரவேற்பை பெற்ற நிலையில் அவருடைய அடுத்த படத்தின் படப்பிடிப்பு நாளை முதல் தொடங்க இருப்பதாக கூறப்படுகிறது.
நாளை சென்னையில் பூஜையுடன் படப்பிடிப்பு தொடங்க இருப்பதாகவும் இந்த படத்தை பிரபல இயக்குனர் முத்தையா இயக்க இருப்பதாகவும் தகவல்கள் வெளியாகியுள்ளன.
இயக்குனர் முத்தையா இயக்கத்தில் சமீபத்தில் வெளியான ’விருமன்’ திரைப்படம் மிகப் பெரிய வெற்றி பெற்றதை அடுத்து அவர் இயக்கும் அடுத்த படம் இது என்பது குறிப்பிடத்தக்கது.
இன்னும் டைட்டில் வைக்கப்படாத இந்த படத்தின் முதல்கட்ட படப்பிடிப்பு சென்னையில் நடைபெற உள்ளதாகவும் இதனை அடுத்து 45 நாட்கள் கோவில்பட்டி அருகே இந்த படத்தின் அடுத்தகட்ட படப்பிடிப்பு நடைபெறும் என்றும் தெரிகிறது.
மேலும் இந்த படத்தின் நாயகி உள்பட மற்ற நட்சத்திரங்கள் தேர்வு முடிந்து விட்டதாகவும் அது குறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது. நடிகர் ஆர்யா ஏற்கனவே நலன் குமாரசாமி இயக்கத்தில் ஒரு படத்தில் நடிக்கவுள்ள நிலையில் நாளை முதல் முத்தையாவின் படத்தில் நடிக்க உள்ளார் என்பது குறிப்பிடத்தக்கது.