சமீபத்தில் மாணவி அனிதா நீட் தேர்வு காரணமாக மெடிக்கல் சீட் கிடைக்காத விரக்தியில் தற்கொலை செய்து கொண்டார். அவரது மரணம் கடும் அதிர்ச்சியை ஏற்படுத்திய நிலையில் தற்போது தமிழக அரசு நீட் தேர்வுக்கு தமிழக மாணவர்களை தயார் செய்ய மாவட்டந்தோறும் பயிற்சி வகுப்பை ஆரம்பிக்க திட்டமிட்டுள்ளது.

இந்த நிலையில் நடிகர் அரவிந்தசாமி அரசுக்கு வேண்டுகோள் ஒன்றை வைத்துள்ளார். தமிழக அரசு நீட் பயிற்சி வகுப்புகளை தொடங்க முடிவு செய்துள்ளதை அறிகிறோம். இந்த பயிற்சி திட்டத்திற்கு அனிதாவின் பெயரை வைக்க வேண்டும் என்று வேண்டுகோள் வைப்பதாக அரவிந்தசாமி தனது சமூக வலைத்தளத்தில் வேண்டுகோள் விடுத்துள்ளார்,.

மேலும் நீட் தேர்வு கட்டாயம் என்ற நிலையில் இந்த பயிற்சி வகுப்புகள் மாணவர்களுக்கு போட்டியை சமாளிக்க உதவிகரமாக இருக்கும் என்றும் நடிகர் அரவிந்தசாமி தெரிவித்துள்ளார். இந்த திட்டத்திற்கும் 'அம்மா' பெயரை அரசு வைக்காமல் 'அனிதா' பெயரை வைக்க வேண்டும் என்று பலர் அரவிந்தசாமியின் கருத்துக்கு கமெண்ட் அளித்து வருகின்றனர்.