கொரோனா வைரஸ் பாதிப்பு காரணமாக இந்தியாவில் படு மோசமான நிலையை இருக்கும் நிலையில் பிரபல நடிகர் ஒருவர் ஆம்புலன்ஸ் டிரைவராக மாறி கொரோனா நோயாளிகளுக்கு உதவி செய்து வருகிறார். அதுமட்டுமின்றி உயிரிழந்த கொரோனா நோயாளிகளின் இறுதிச் சடங்குக்கும் உதவி செய்து வருகிறார்.

யுவரத்னா, ரஸ்டம், ஒடியா, ஆ துருஷ்யா உட்பட சில படங்களில் உள்பட ஒருசில திரைப்படங்களில் நடித்தவர் பிரபல கன்னட நடிகர் அர்ஜுன் கவுடா. இவர் கடந்த 2 மாதங்களாக திரைப்பட படப்பிடிப்பை விட்டுவிட்டு கொரோனா நோயாளிகளுக்காக ஆம்புலன்ஸ் ஓட்டி வருகிறார்

புரொஜக்ட் ஸ்மைல் என்ற அமைப்பை ஏற்படுத்தி அந்த அமைப்பின் மூலம் கொரோனா நோயாளிகள் மருத்துவமனை செல்வதற்கு ஆம்புலன்ஸை ஓட்டி வருகிறார். அதுமட்டுமின்றி உயிரிழந்த கொரோனா நோயாளிகளின் இறுதிச்சடங்கு செய்யவும் உதவி செய்து வருகிறார்

மேலும் தேவைப்படுவோருக்கு ஆக்சிஜன் வழங்கவும் தயாராக இருப்பதாகவும் அவர் தெரிவித்துள்ளார்., இது குறித்த தகவல்கள் சமூக வலைதளங்களில் பரவிய நிலையில் அவருக்கு அவரது ரசிகர்கள் பாராட்டு தெரிவித்து வருகின்றனர்.