சூப்பர் ஸ்டார் ரஜினிகாந்த் அவர்களை நடிகர் சரத்குமார் திடீரென சந்தித்து உள்ளார். இது குறித்த வீடியோ வைரலாகி வருகிறது. 

சூப்பர் ஸ்டார் ரஜினிகாந்த் அவர்களை அவ்வப்போது திரையுலக பிரபலங்கள் மற்றும் அரசியல் பிரபலங்கள் சந்தித்து வருகின்றனர் என்பது தெரிந்ததே. அந்த வகையில் பிரபல நடிகரும் ’பொன்னியின் செல்வன்’ திரைப்படத்தில் பெரிய பழுவேட்டரையர் கேரக்டரில் நடித்தவரும், அகில இந்திய சமத்துவ மக்கள் கட்சியின் தலைவருமான சரத்குமார் இன்று திடீரென ரஜினியை அவரது வீட்டில் சந்தித்தார்.

இந்த சந்திப்பு குறித்த வீடியோவை அவர் தனது இன்ஸ்டாகிராம் பக்கத்தில் வெளியிட்டுள்ளார். இந்த பதிவில், ‘ரஜினி அவர்களை சந்தித்த இன்றைய நாள் மிகச் சிறப்பாக தொடங்கியது. அவருடன் நான் ’பொன்னியின் செல்வன்’ திரைப்படத்தில் நடித்த பெரிய பழுவேட்டரையர் கேரக்டர் குறித்து பேசினேன். நாங்கள் இருவரும் நட்பாக காபி அருந்தினோம். எங்களுடைய தொழில் மற்றும் வேலை குறித்து பேசினோம்.

வரலட்சுமியும் எங்களுடன் இருந்தார். வரலட்சுமியின் அடுத்தடுத்த படங்கள் குறித்தும் அவர் ஆர்வத்துடன் கேட்டார். எங்களுக்காக சில மணி நேரங்களை ஒதுக்கிய ரஜினிகாந்த் அவர்களுக்கு நன்றி’ என தெரிவித்துள்ளார். இந்த வீடியோ தற்போது வைரல் ஆகி வருகிறது.

View this post on Instagram

A post shared by Sarath Kumar (@r_sarath_kumar)