பிரபல வில்லன் மற்றும் குணசித்திர நடிகர் 12 ஆண்டுகாலமாக அதிமுகவில் இருந்த நிலையில் ஜெயலலிதா மறைந்தவுடன் அதிமுகவில் இருந்து விலகினார்.

மேலும் அதிமுகவில் இருந்து விலகிய இவருக்கு கொலை மிரட்டல் வந்தது என்பதையும் இதுகுறித்து ஆனந்த்ராஜ் நுங்கம்பாக்கம் காவல்நிலையத்தில் புகார் அளித்துள்ளார் என்பதையும் ஏற்கனவே பார்த்தோம்.

இந்நிலையில் செய்தியாளர்களுக்கு பேட்டி அளித்த ஆனந்த்ராஜ் கூறியதாவது, 'எனக்கு அதிமுக தொண்டர்கள் கொலை மிரட்டல் விடுத்திருக்க வாய்ப்பில்லை. ஒருவேளை எனக்கு கொலை மிரட்டல் விடுத்தவர் அதிமுகவை சேர்ந்தவர் என்றால் கட்சி தலைமை நடவடிக்கை எடுக்கும் என்று நம்புகிறேன்.

எனக்கு ஓய்வு தேவைப்பட்டதால் தான் அதிமுகவில் இருந்து விலகினேன். மேலும் வாய்ப்பு கிடைத்தால் திமுக தலைவர் கருணாநிதியை சந்திப்பேன் என்று ஏற்கனவே கூறினேன். அது அவர் வயதின் மீதான அன்பின் காரணமாகவே கூறினேன்' என்று ஆனந்த்ராஜ் கூறினார்.