சமீபத்தில் வெளிவந்த இளம் இயக்குனர் ஸ்ரீகணேஷ் இயக்கிய '8 தோட்டாக்கள்' திரைப்படம் அனைத்து தரப்பினரின் மாபெரும் வரவேற்பை பெற்றது. ஊடகங்கள் மற்றும் சமூக இணையதளங்களில் கிடைத்த பாசிட்டிவ் விமர்சனங்கள் காரணமாக இந்த படத்தின் வசூல் திருப்திகரமாக இருந்தது.

இந்த நிலையில் இயக்குனர் ஸ்ரீகணேஷ் இரண்டாவது படத்திற்கு தயாராகிவிட்டார். இவருடைய அடுத்த படத்தில் பிரபல நடிகர் அதர்வா ஹீரோவாக நடிக்கவுள்ளதாக தகவல்கள் வெளிவந்துள்ளது. இந்த படத்தின் நாயகி மற்றும் பிற நடிகர் நடிகைகள், தொழில்நுட்ப கலைஞர்களின் தேர்வு நடைபெற்று வருவதாகவும் இதுகுறித்த அதிகார்பூர்வ அறிவிப்பு மிக விரைவில் வெளியாகும் என்றும் கூறப்படுகிறது.

அதர்வா தற்போது தனது சொந்த தயாரிப்பில் 'செம போத ஆகாதே' உள்பட ஐந்து படங்களில் நடித்து வருகிறார். இந்நிலையில் அவர் மேலும் ஒரு படமாக ஸ்ரீகணேஷ் இயக்கத்தில் நடிக்கவுள்ளார் என்பது குறிப்பிடத்தக்கது. '8 தோட்டாக்கள்'; படம் போலவே இந்த படமும் ஒரு ஆக்சன் த்ரில்லர் படம் என்று கூறப்படுகிறது.