அஜித்துக்கு வில்லனாக நடிக்க ஆசை. பிரபல ஹீரோ
- IndiaGlitz, [Monday,February 22 2016]
'மிருகம்' என்ற படத்தில் அறிமுகமாகி அதன் பின்னர் 'ஈரம்', 'அரவான்', 'யாகாவாராயினும் நா காக்க' போன்ற பல படங்களில் நடித்த கோலிவுட்டின் இளம் நாயகன் ஆதி, சமீபத்தில் சமூக வலைத்தளம் ஒன்றில் ரசிகர்கள் கேட்ட சுவாரஸ்யமான பல கேள்விகளுக்கு பதிலளித்தார். அவற்றில் அஜித் குறித்து ரசிகர்கள் கேட்ட கேள்விகளுக்கும் அவர் ரசிக்கத்தக்க வகையில் பதில் கூறியுள்ளார்.
தல அஜித் மற்றும் பவர்ஸ்டார் பவன்கல்யாண் குறித்து ஓரிரு வார்த்தைகள் கூறும்படி ரசிகர் ஒருவர் கேட்ட கேள்விக்கு பதிலளித்த ஆதி, இருவருமே குறைவாக பேசுபவர்கள் அதே நேரத்தில் நிறைவான மனிதத்தன்மை மிகுந்தவர்கள் என்று கூறியுள்ளார்.
மேலும் நீங்கள் வில்லனாக நடிப்பதாக இருந்தால் ரஜினி, கமல் தவிர யார் ஹீரோவாக நடிக்கும் படத்தில் வில்லனாக நடிப்பீர்கள் என்ற கேள்விக்கு பதிலளித்த ஆதி, 'தல அஜித்' என்று பதில் கூறியுள்ளார்.
மேலும் சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசனுக்கு பின்னர் அனைவரும் அஜித் படத்தில் நடிக்கவே அனைவரும் விருப்பமாக உள்ளனர் என்றும் அவர் மற்றொரு கேள்விக்கு பதிலளித்துள்ளார்.