மகள்களுடன் ஆக்ஷன் கிங் அர்ஜுன் எங்கே சென்றிருக்கிறார் தெரியுமா? வைரல் வீடியோ..!
- IndiaGlitz, [Wednesday,April 05 2023]
ஆக்ஷன் கிங் அர்ஜுன் தனது மகள்களுடன் கேரளாவில் உள்ள கபினி அணை அருகே சென்ற நிலையில் அது குறித்த புகைப்படங்கள் வீடியோக்கள் இணையதளங்களில் வைரல் ஆகி வருகிறது.
தமிழ் திரையுலகின் முன்னணி நடிகர்களில் ஒருவராக இருந்தவர் ஆக்ஷன் கிங் அர்ஜுன் என்பதும் இவர் கடந்த 80கள், 90களில் மிகப்பெரிய வெற்றி படங்களை கொடுத்தவர் என்பது குறிப்பிடத்தக்கது. தற்போது அவர் விஜய் நடித்து வரும் ’லியோ’ பட ஒரு சில படங்களில் முக்கிய வேடத்தில் நடித்து வருகிறார் என்பது தெரிந்ததே.
இந்த நிலையில் ஆக்ஷன் கிங் அர்ஜுன் கடந்த 1988ம் தேதி நிவேதிதா என்ற கன்னட நடிகையை திருமணம் செய்து கொண்டார். இந்த தம்பதிக்கு ஐஸ்வர்யா மற்றும் அஞ்சனா ஆகிய இரண்டு மகள்கள் உள்ளனர். ஐஸ்வர்யா அர்ஜுன் நடிகையாக இருக்கிறார் என்பதும் அஞ்சனா தொழிலதிபராக இருக்கிறார் என்பது குறிப்பிடத்தக்கது.
இந்த நிலையில் ஐஸ்வர்யா அர்ஜுன் தனது இன்ஸ்டாகிராம் பக்கத்தில் தனது தந்தை மற்றும் சகோதரியுடன் கேரள மாநிலத்தில் உள்ள கபினி அணைக்கு சுற்றுலா சென்றதன் புகைப்படங்கள் மற்றும் வீடியோக்களை வெளியிட்டுள்ளார். இதில் ஆக்சன்கிங் அர்ஜுன் மற்றும் அவரது இரண்டு மகள்களும் ஜாலியாக இருக்கும் புகைப்படங்கள் உள்ள நிலையில் இந்த புகைப்படங்கள் வைரல் ஆகி வருகின்றன. குறிப்பாக அர்ஜுன் மாட்டு வண்டியை ஓட்ட அதில் அவரது இரண்டு மகள்கள் செல்லும் வீடியோவுக்கு லைக் குவிந்து வருகிறது.