'லியோ' படத்தில் அர்ஜுன் லுக் இதுவா? இதுவரை இவரை இப்படி பார்த்ததே இல்லையே..!
- IndiaGlitz, [Saturday,June 24 2023]
தளபதி விஜய் நடித்து வரும் ’லியோ’ திரைப்படத்தில் ஆக்சன் கிங் அர்ஜுன் ஒரு முக்கியத்துவம் வேடத்தில் நடித்து வரும் நிலையில் ’லியோ’ படத்தில் அவருடைய கேரக்டரில் லுக் குறித்த புகைப்படம் வெளியாகியுள்ளது. இதனை அடுத்து ரசிகர்கள் ஆச்சரியம் அடைந்துள்ளனர்.
தளபதி விஜய் நடிப்பில், லோகேஷ் கனகராஜ் இயக்கத்தில், அனிருத் இசையில் உருவாகி வரும் திரைப்படம் ’லியோ’. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் பல முக்கிய நட்சத்திரங்கள் நடித்திருக்கின்றனர் என்பதும் அவர்களில் ஒருவர் ஆக்ஷன் கிங் அர்ஜூன் என்பது தெரிந்ததே.
சமீபத்தில் விஜய் மற்றும் அர்ஜுன் நடித்த அதிரடி ஆக்சன் காட்சிகள் சென்னையில் உள்ள ஸ்டுடியோவில் படமாக்கப்பட்டதாகவும் இந்த காட்சிகள் மிகவும் சிறப்பாக வந்திருப்பதாகவும் கூறப்பட்டது.
இந்த நிலையில் ’லியோ’ திரைப்படத்தில் நடித்த அர்ஜுன் லுக் குறித்த புகைப்படம் இணையத்தில் கசிந்து உள்ளதை அடுத்து அந்த புகைப்படத்தை பார்த்து ரசிகர்கள் ஆச்சரியம் அடைந்துள்ளனர். இதுவரை ஆக்ஷன் கிங் அர்ஜுனை இந்த லுக்கில் பார்த்ததே இல்லையே என்று பலரும் கமெண்ட்டில் பதிவு செய்து வருகின்றனர் என்பது குறிப்பிடத்தக்கது.