ஆக்சன் கிங் அர்ஜுன் சமீபத்தில் விஷால் நடித்த 'இரும்புத்திரை' மற்றும் விஜய் ஆண்டனி நடித்த 'கொலைகாரன் ஆகிய படங்களில் நடித்த நிலையில் தற்போது ஜெயம்ரவி நடிக்கும் அடுத்த படத்தில் ஒரு முக்கிய கேரக்டரில் நடிக்கவுள்ளதாக செய்திகள் வெளிவந்துள்ளது

ஜெயம் ரவி நடித்த 'கோமாளி' திரைப்படம் மிகப் பெரிய வெற்றி அடைந்ததை அடுத்து அவர் தற்போது 'ஜன கன மன' என்ற படத்தில் நடித்து வருகிறார். 'என்றென்றும் புன்னகை' படத்தை இயக்கிய அகமது இயக்கி வரும் இந்தப் படத்தில் நாயகியாக டாப்சி நடித்து வருகிறார். ஜெயம்ரவி ராணுவ வீரராகவும், சர்வதேச ஏஜண்ட் வேடத்தில் டாப்சியும் நடித்து வருகின்றனர்.

மேலும் இந்த படத்தில் கேஜிஎப் படத்தில் நடித்த ராமச்சந்திர ராஜூ வில்லன் வேடத்தில் நடித்து வருவதாக ஏற்கனவே வெளிவந்த செய்தியை பார்த்தோம். இந்நிலையில் இந்த படத்தில் தற்போது ஆக்சன் கிங் அர்ஜுன் இணைந்துள்ளார். அவர் ஒரு முக்கிய கேரக்டரில் நடித்து வருவதாகவும், அவருடைய கேரக்டர் ரகசியமாக வைக்கப்பட்டு இருப்பதாகவும் கூறப்படுகிறது. அர்ஜூன் இந்த படத்தில் இணைந்துள்ளதால் இந்த படத்தின் எதிர்பார்ப்பு அதிகரித்துள்ளது என்பது குறிப்பிடத்தக்கது