லாஸ்லியாவின் முதல் படத்தில் இணைந்த பிரபல ஆக்சன் ஹீரோ!
- IndiaGlitz, [Monday,February 17 2020]
பிக்பாஸ் புகழ் லாஸ்லியா ஒரே நாளில் இரண்டு திரைப்படங்களில் நடிக்க இருக்கும் செய்தி சமீபத்தில் வெளிவந்தது என்பதை பார்த்தோம். அவர் நடிக்கும் ஒரு திரைப்படத்தில் நாயகனாக ஆரி நடிக்கவுள்ளார் என்பதும் இன்னொரு திரைப்படத்தில் பிரபல கிரிக்கெட் வீரர் ஹர்பஜன் சிங் நடிக்கவுள்ளார் என்பதும் தெரிந்ததே.
இந்த நிலையில் லாஸ்லியா, ஹர்பஜன்சிங் உடன் இணைந்து நடிக்கும் திரைப்படத்திற்கு பிரண்ட்ஷிப் என்று அறிவிக்கப்பட்டது. இயக்குனர்கள் ஜான் பால்ராஜ் மற்றும் ஷாம் சூர்யா ஆகியோர் இயக்கும் இந்தப் படத்தை ஜேபிஆர்பி ஸ்டாலின் என்பவர் தயாரிக்க உள்ளதாக அறிவிக்கப்பட்டது.
இந்த நிலையில் இந்த படத்தில் இணையும் ஒரு முக்கிய நடிகர் குறித்த அறிவிப்பு இன்று மாலை 6 மணிக்கு வெளியாகும் என ஏற்கனவே படக்குழுவினர் அறிவித்திருந்தனர். அதன்படி தற்போது ஆக்சன் கிங் அர்ஜுன் அவர்கள் இந்த படத்தில் இணைந்து உள்ளதாக அறிவிக்கப்பட்டுள்ளது. இந்த படத்தில் அர்ஜூன் இணைந்து உள்ளதை அடுத்து இப்படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.