மனைவி மகள்களுடன் பிறந்த நாள் கொண்டாடிய 'லியோ' ஹரால்டு தாஸ்.. க்யூட் புகைப்படங்கள்..!
- IndiaGlitz, [Tuesday,August 15 2023]
தளபதி விஜய் நடித்துள்ள ‘லியோ’ திரைப்படத்தில் ஹரால்டு தாஸ் என்ற வில்லன் கேரக்டரில் நடித்துள்ள ஆக்சன் கிங் அர்ஜுன் இன்று தனது பிறந்த நாளை கொண்டாடி வரும் நிலையில் அவர் மனைவி மகள்களுடன் பிறந்தநாள் கொண்டாடிய புகைப்படம் இணையத்தில் வைரல் ஆகி வருகிறது.
தமிழ் திரையுலகின் முன்னணி நடிகர்களில் ஒருவராக இருந்த ஆக்சன் கிங் அர்ஜுன், தற்போது சில திரைப்படங்களில் வில்லனாகவும் குணசித்திர கேரக்டர்களில் நடித்து வருகிறார்.
இந்த நிலையில் தளபதி விஜய்யின் ‘லியோ’ திரைப்படத்தில் அதிரடி வில்லனாக நடித்த கிளிம்ப்ஸ் வீடியோ சற்றுமுன் வெளியானது என்பதை பார்த்தோம். இந்த நிலையில் அர்ஜுன் தனது மகள்கள் மற்றும் மனைவியுடன் பிறந்தநாள் கொண்டாட்டம் மற்றும் சுதந்திர தின கொண்டாட்டம் கொண்டாடிய புகைப்படங்கள் அவரது மகள் ஐஸ்வர்யா அர்ஜுன் இன்ஸ்டாகிராம் பக்கத்தில் பதிவு செய்யப்பட்டுள்ளது
இதனை அடுத்து இந்த புகைப்படங்கள் தற்போது இணையத்தில் வைரல் ஆகி வரும் நிலையில் ரசிகர்கள் அவருக்கு பிறந்த நாள் வாழ்த்துக்களை தெரிவித்து வருகின்றனர்.