'விஜய் 60' படத்தில் இணைந்த இன்னொரு பிரபல நடிகை
- IndiaGlitz, [Saturday,April 30 2016]
இளையதளபதி விஜய் நடித்த 'தெறி' படம் உலகம் முழுவதும் சூப்பர் ஹிட் ஆகியுள்ள நிலையில் அவர் நடிக்கவுள்ள அடுத்த படமான 'விஜய் 60' திரைப்படத்தின் அடுத்தகட்ட படப்பிடிப்பு வரும் மே மாதம் விஜய்யின் அறிமுகப்பாடலுடன் நடைபெறவுள்ளது.
இந்த படத்தின் நாயகியாக கீர்த்தி சுரேஷ், காமெடி கேரக்டரில் சதீஷ், வில்லனாக ஜெகபதிபாபு, டெனியல் பாலாஜி ஆகியோர் ஏற்கனவே ஒப்பந்தம் செய்யப்பட்டுள்ள நிலையில் தற்போது பிரபல மலையாள நடிகை அபர்ணா வினோத் ஒப்பந்தம் செய்யப்பட்டுள்ளதாக தகவல் வெளிவந்துள்ளது.
இந்த படத்தின் மிக முக்கிய கேரக்டருக்காக அபர்ணா ஒப்பந்தம் செய்யப்பட்டிருப்பதாகவும், அவருடைய கேரக்டர் படத்தின் திருப்புமுனையாக அமையும் என்றும் படக்குழுவினர் தெரிவித்துள்ளனர். மலையாளத்தில் சூப்பர் ஹிட் ஆன 'கோஹினூர்' உள்பட பல படங்களில் அபர்ணா நடித்துள்ளார் என்பது குறிப்பிடத்தக்கது.
'அழகிய தமிழ்மகன்' பரதன் இயக்கும் இந்த படத்திற்கு சந்தோஷ் நாராயணன் இசையமைக்கின்ரார் என்பது குறிப்பிடத்தக்கது.