'அச்சம் என்பது மடமையடா' ரிலீஸ் தேதி.
- IndiaGlitz, [Tuesday,August 09 2016]
தனுஷ் நடித்துள்ள 'தொடரி' திரைப்படமும் சிம்பு நடித்துள்ள 'அச்சம் என்பது மடமையடா' திரைப்படமும் ஒரே நாளில் ரிலீஸ் ஆகும் என்று எதிர்பார்க்கப்பட்ட நிலையில் தற்போது தனுஷ் படம், சிம்பு படத்துடன் மோதாமல், விக்ரமின் 'இருமுகன்' படத்துடன் மோதுகிறது. 'தொடரி' மற்றும் 'இருமுகன்' ஆகிய படங்கள் வரும் செப்டம்பர் 2ஆம் தேதி விநாயகர் சதூர்த்தி விடுமுறையில் வெளியாகிறது.
இந்நிலையில் சிம்புவின் 'அச்சம் என்பது மடமையடா' திரைப்படம் ஒரு வாரம் கழித்து அதாவது செப்டம்பர் 9ஆம் தேதி ரிலீஸ் ஆகவுள்ளதாக இயக்குனர் கவுதம் மேனன் தனது சமூக வலைத்தளத்தில் அறிவித்துள்ளார். இன்று அவர் தனது சமூக வலைத்தளத்தில் சரியாக அடுத்த மாதம் இதே நாளில் 'அச்சம் என்பது மடமையடா' ரிலீஸ் ஆகும் என்றும் அதற்குள் இந்த படத்தின் அனைத்து பணிகளும் முடிக்கப்பட்டுவிடும் என்றும் அவர் தெரிவித்துள்ளார்.
சிம்பு, மஞ்சிமா மோகன், டேனியல் பாலாஜி உள்பட பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். கவுதம் மேனன் தயாரித்து இயக்கியுள்ள இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.