சிம்பு படத்தை ரிலீஸ் செய்யும் சசிகுமார் பட தயாரிப்பாளர்
- IndiaGlitz, [Saturday,October 22 2016]
சிம்பு நடிப்பில் கவுதம் மேனன் தயாரித்து இயக்கியுள்ள 'அச்சம் என்பது மடமையடா' திரைப்படம் ரிலீசுக்கு தயாராகியுள்ள நிலையில் இந்த படத்தின் தமிழக ரிலீஸ் உரிமையை பிரபல தயாரிப்பு மற்றும் விநியோகிஸ்த நிறுவனமான Trident Arts நிறுவனம் பெற்றுள்ளதாக செய்திகள் வெளிவந்துள்ளது. இந்த நிறுவனம் சமீபத்தில் சசிகுமார் நடித்த 'வெற்றிவேல்' படத்தை தயாரித்திருந்தது என்பது குறிப்பிடத்தக்கது.
இந்நிலையில் நவம்பரில் இந்த படம் ரிலீஸ் ஆகும் என்றும் விரைவில் இந்த படத்தின் அதிகாரபூர்வ ரிலீஸ் தேதி அறிவிக்கப்படும் என்றும் கூறப்படுகிறது.
சிம்பு, மஞ்சிமா மோகன், டேனியல் பாலாஜி உள்பட பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். ஏற்கனவே ஏ.ஆர்.ரஹ்மான் இந்த படத்திற்காக கம்போஸ் செய்த அனைத்து பாடல்களும் சூப்பர் ஹிட் ஆகியுள்ளது. குறிப்பாக ஷோக்காலி மற்றும் தள்ளிபோகாதே பாடல் இளைஞர்களிடம் பெரும் வரவேற்பை பெற்றுள்ளது என்பது குறிப்பிடத்தக்கது.