கவுதம் மேனன் படத்தின் அடுத்த ஹீரோ இவரா?
- IndiaGlitz, [Thursday,November 10 2016]
சிம்பு, மஞ்சிமாமோகன் நடிப்பில் கவுதம் மேனன் இயக்கிய 'அச்சம் என்பது மடமையாடா' நாளை உலகம் முழுவதும் பிரமாண்டமாக ரிலீஸ் ஆகவுள்ளது.
இந்நிலையில் இந்த படத்தின் பிரஸ்மீட்டில் நேற்று பேசிய கவுதம் மேனன் தன்னுடைய அடுத்த படம் குறித்த கேள்விக்கு சீயான் விக்ரமுடன் பேச்சுவார்த்தை நடத்தி வருவதாகவும் இதுகுறித்த விபரங்கள் பின்னர் அறிவிக்கப்படும் என்றும் கூறினார்.
ஏற்கனவே 'காக்க காக்க' படத்தின் அன்புச்செல்வன் கேரக்டருக்கு முதலில் கவுதம் மேனன் விக்ரமைத்தான் அணுகினார். அந்த சமயத்தில் விக்ரம் 'சாமி' படத்தில் போலீஸ் கேரக்டரில் நடித்து வந்ததால் மேலும் ஒரு போலீஸ் கேரக்டர் படத்தில் நடிக்க மறுத்துவிட்டதாக கூறப்படுகிறது.
இந்நிலையில் தற்போது 'சாமி 2' படத்தில் விக்ரம் நடிக்கவுள்ள நிலையில் இந்த படத்தை முடித்தவுடன் அவர் கவுதம் மேனன் படத்தில் நடிக்க வாய்ப்பு இருப்பதாக கூ'றப்படுகிறது.
மேலும் இந்த பிரஸ்மீட்டில், 'அச்சம் என்பது மடமையடா' படத்தை முடிக்க சிம்பு நல்ல ஒத்துழைப்பு கொடுத்ததாகவும் மீண்டும் சிம்பு படத்தை விரைவில் தயாரித்து இயக்குவேன்' என்றும் கூறினார்.