'ఆచార్య' రిలీజ్ డేట్ ఖ‌రారైందా..?
- IndiaGlitz, [Monday,December 14 2020]
గ‌త ఏడాది ‘సైరా న‌ర‌సింహారెడ్డి’తో మెగాభిమానుల‌ను అల‌రించాల‌ని అనుకున్న మెగాస్టార్ చిరంజీవికి అంత స్కోప్ లేకుండా పోయింది. తాజాగా ఇప్పుడు కొర‌టాల శివ ద‌ర్శ‌క‌త్వంలో రూపొందుతోన్న ‘ఆచార్య’తో అయినా 2020లో బాక్సాఫీస్ వ్ద‌ద సెన్సేష‌న్ క్రియేట్ చేయాల‌ని మెగాస్టార్ భావించారు. కానీ క‌రోనా వైర‌స్ మెగా స్పీడుకి బ్రేకులేసింది. దాదాపు ఏడెనిమిది నెల‌లు షూటింగ్స్ ఆగిపోయాయి. అలా ఆగిపోయిన సినిమాల్లో 'ఆచార్య' ముందు వరుస‌లో ఉంది. రీసెంట్‌గానే కోవిడ్ ప్ర‌భావం నుండి త‌గు జాగ్ర‌త్త‌లు తీసుకుంటూ 'ఆచార్య' టీమ్ షూటింగ్‌ను ప్రారంభించింద‌ట.
అయితే చిరంజీవి ప్ర‌స్తుతం షూటింగ్‌లో పాల్గొన‌డం లేద‌ని వార్త‌లు వినిపించాయి. కానీ ఈ వార్త‌ల్లో నిజం లేద‌ని ఇప్ప‌టికే చిరంజీవి షూటింగ్‌లో పాల్గొంటున్నార‌ని, జ‌న‌వ‌రి నుంచి రామ్‌చ‌ర‌ణ్ షూటింగ్‌లో పాల్గొంటాడ‌ని స‌మాచారం.
మార్చి నాటికి షూటింగ్ పూర్త‌య్యేలా ప్లాన్ చేసుకున్నార‌ట. మే 7న సినిమాను విడుద‌ల చేసేలా నిర్మాత‌లు ప్లాన్ చేసుకుంటున్నార‌ట.
త్వ‌ర‌లోనే కాజ‌ల్ అగ‌ర్వాల్ కూడా యూనిట్‌తో జాయిన్ కానుంది. రామ్‌చ‌ర‌ణ్ కూడా న‌క్సలైట్ నాయ‌కుడిగా కనిపించ‌నున్నారు. కొణిదెల ప్రొడ‌క్ష‌న్‌తో మ్యాట్నీఎంట‌ర్‌టైన్‌మెంట్ ఈ చిత్రాన్ని నిర్మిస్తుంది.