మెగాస్టార్ చిరంజీవి ఆచార్య చిత్రీక‌ర‌ణ ద‌శ‌లో ఉంది. చిరంజీవి 152వ చిత్ర‌మిది. స్టార్ డైరెక్ట‌ర్ కొర‌టాల శివ ద‌ర్శ‌క‌త్వంలో రూపొందుతోన్న ఈ సినిమాపై భారీ అంచ‌నాలు నెల‌కొన్నాయి. ప్ర‌పంచ వ్యాప్తంగా మే 13న సినిమాను గ్రాండ్ రిలీజ్ చేయ‌బోతున్న‌ట్లు అధికారిక ప్ర‌క‌ట‌న వెలువ‌డిన సంగ‌తి తెలిసిందే. ఇప్పుడు ఈ సినిమాకు బిజినెస్ క్రేజ్ నెల‌కొంది. ఇప్ప‌టికే ఆచార్య సినిమా నైజాం హ‌క్కుల‌ను రూ.40 కోట్ల‌కు నిర్మాత‌లు సేల్ చేసినట్లు వార్త‌లు వినిపించాయి. మిగిలిన ఏరియాలకు కూడా క్రేజీ ఆఫ‌ర్స్ వ‌స్తున్నాయి.

తాజా స‌మాచారం మేర‌కు, ఆచార్య సినిమా హ‌క్కులు రూ.11 కోట్లకు అమ్ముడైన‌ట్లు స‌మాచారం. ప్యాండ‌మిక్ త‌ర్వాత ఓవ‌ర్‌సీస్‌లో ఇంత భారీ మొత్తంలో బిజినెస్ జ‌ర‌గ‌డం ఇదే ప్ర‌థ‌మం. మెగాస్టార్ ఇమేజ్‌.. స్టార్ డైరెక్ట‌ర్ కొర‌టాల శివ వ‌రుస స‌క్సెస్‌ల ఇమేజ్ క‌లిసి ఉండ‌టంతో సినిమాపై భారీ క్రేజ్ నెల‌కొంది. నిరంజ‌న్ రెడ్డి, రామ్‌చ‌ర‌ణ్ నిర్మిస్తోన్న ఈ చిత్రంలో మెగాప‌వ‌ర్‌స్టార్ రామ్‌చ‌ర‌ణ్ ఇందులో ఓ కీల‌క పాత్ర‌లో న‌టిస్తున్నారు. కాజ‌ల్ అగ‌ర్వాల్ హీరోయిన్‌గా న‌టిస్తోంది. రామ్ చ‌ర‌ణ్ జోడీగా పూజా హెగ్డే న‌టిస్తోంది. మ‌ణిశ‌ర్మ సినిమాకు సంగీతాన్ని అందిస్తున్నారు