నంద‌మూరి బాల‌కృష్ణ త‌న ప్రెస్టిజియ‌స్ 100వ చిత్రం గౌత‌మిపుత్ర శాత‌క‌ర్ణి సినిమాను సంక్రాంతికి విడుద‌ల చేయ‌డానికి స‌న్నాహాలు చేసుకుంటున్నారు. హిస్టారిక‌ల్ బ్యాక్‌డ్రాప్‌లో తెర‌కెక్కిన ఈ సినిమాతో తెలుగుజాతి ఖ్యాతిని ప్ర‌పంచానికి చాటి చెప్పిన శాత‌క‌ర్ణి చ‌క్ర‌వ‌ర్తి గురించి తెలియ‌జేసే ప్ర‌య‌త్నం చేస్తున్నారు. హేమామాలిని, శ్రియా శ‌ర‌న్ వంటి స్టార్స్‌తో న‌టించిన ఈ సినిమా ప్ర‌స్తుతం నిర్మాణాంత‌ర కార్య‌క్ర‌మాల‌ను జ‌రుపుకుంటుంది. ఈ సినిమా అవుట్‌పుట్‌పై, క్రిష్ వ‌ర్కింగ్ స్టైల్‌పై బాల‌కృష్ణ చాలా హ్యాపీగా ఉన్నాడ‌ని, అందువ‌ల్ల త‌న కుమారుడు మోక్ష‌జ్ఞ సినీ రంగ ప్ర‌వేశం చేయ‌నున్న సినిమాకు క్రిష్ పేరును ప‌రిశీలిస్తున్నాడ‌ట బాల‌య్య‌.

మోక్ష‌జ్ఞ సినీ రంగ ప్ర‌వేశంపై చాలా ర‌కాలైన వార్త‌లు వినిపించాయి. వారాహిచల‌న చిత్రం నిర్మించ‌నున్న సినిమా అని, త్రివిక్ర‌మ్‌, బోయ‌పాటిశ్రీను వంటి స్టార్ డైరెక్ట‌ర్స్ పేర్లు కూడా వినిపించాయి. ఇప్పుడు క్రిష్ పేరు తెర‌పైకి రావ‌డం గ‌మ‌నార్హం. ఏ విష‌యంపై అధికార‌క స‌మాచారం లేదు. అయితే మోక్ష‌జ్ఞ సినిమా 2017 ద్వితీయార్థంలో ప్రారంభ‌మ‌వుతుంద‌ని వార్త‌లు వ‌స్తున్నాయి.