'కళ్యాణ వైభోగమే' ప్రదర్శన హక్కులను స్వంతం చేసుకున్న అభిషేక్ పిక్చర్స్
- IndiaGlitz, [Sunday,February 07 2016]
శ్రీ రంజిత్ మూవీస్ పతాకం పై ప్రముఖ నిర్మాత కె.ఎల్. దామోదర్ ప్రసాద్ ' అలా మొదలైంది' ' అంతకు ముందు ఆ తరువాత ' లాంటి కుటుంబ కధా చిత్రాల తరువాత బి.వి నందిని రెడ్డి దర్శకత్వం లో నాగశౌర్య. మాళవిక నాయర్ లు నాయకా,నాయికలుగా నిర్మిస్తున్న చిత్రం " కళ్యాణ వైభోగమే "
ఆడియో విడుదల నుంచే మౌఖిక ప్రచారంతో చక్కని పేరు తెచ్చుకున్న ఈ " కళ్యాణ వైభోగమే " ప్రదర్శన హక్కులను 'అభిషేక్ పిక్చర్స్' ప్రపంచ వ్యాప్తంగా స్వంతం చేసుకుందని నిర్మాత తెలిపారు. ఇటీవల కాలంలో ఎన్నో విజయవంతమైన చిత్రాలను విడుదల చేసిన ప్రముఖ సంస్థ 'అభిషేక్ పిక్చర్స్' ఈ చిత్రాన్ని ప్రపంచ వ్యాప్తంగా విడుదల చేయటం ఆనందంగా ఉందని నిర్మాత తెలిపారు.
ప్రస్తుతం యువతలో ప్రేమ , పెళ్లి లాంటి బంధాల పై ఉన్న అభిప్రాయాలను ప్రతి ఒక్కరికి చక్కగా అర్ధమయ్యేలా కామెడీ , సంగీతం మరియు భావోద్వేగాలను సరైన పాళ్ళలో మేళవించి వాటి విలువలను చాటి చెప్పేలా రూపొందించబడిన కుటుంబ కధా చిత్రం "కళ్యాణ వైభోగమే". ఈ నెలలోనే ఈ చిత్రాన్ని విడుదల చేయనున్నట్లు చిత్ర నిర్మాత తెలిపారు.