முன்னாள் குடியரசுத் தலைவர் அப்துல்கலாம் அவர்களின் நெருங்கிய நண்பர் கொரோனாவுக்கு பலியாகியுள்ளதாக வெளிவந்துள்ள செய்தி பெரும் அதிர்ச்சியை ஏற்படுத்தியுள்ளது

முன்னாள் குடியரசுத் தலைவர் அப்துல் கலாம் அவர்களின் கல்லூரி கால நண்பர் போஜா கவுடர். இவர் ஓய்வு பெற்ற தலைமை ஆசிரியர் என்பதும் அப்துல் கலாமின் நெருங்கிய நண்பர் என்பதும் குறிப்பிடத்தக்கது

கடந்த 2006ம் ஆண்டு அப்துல் கலாம் குடியரசு தலைவராக இருந்தபோது ஊட்டியில் நடந்த ஒரு நிகழ்ச்சியில் கலந்து கொண்டார். அப்போதுதான் தனது நண்பர் போஜா கவுடரை மேடைக்கு அழைத்து தனது கல்லூரி நினைவுகளை பகிர்ந்து கொண்டு அவருக்கு பொன்னாடை போர்த்தி கவுரவித்தார் என்பது குறிப்பிடத்தக்கது

இந்த நிலையில் கடந்த சில நாட்களுக்கு முன்னர் போஜா கவுடர் அவர்களுக்கு கடுமையான காய்ச்சல் ஏற்பட்டதை அடுத்து ஊட்டி அரசு மருத்துவமனையில் அனுமதிக்கப்பட்டார். அவருக்கு கொரோனா பரிசோதனை செய்தபோது கொரோனா பாசிட்டிவ் என்பது உறுதியானதால் கோவை இஎஸ்ஐ மருத்துவமனையில் அனுமதிக்கப்பட்டார். அங்கு அவருக்கு மருத்துவர்கள் தீவிர சிகிச்சை அளித்தனர். இருப்பினும் சிகிச்சையின் பலனின்றி நேற்று மரணமடைந்தார். அப்துல் கலாமின் நெருங்கிய நண்பர் கொரோனாவுக்கு பலியாகி இருப்பது பெரும் அதிர்ச்சியை ஏற்படுத்தியுள்ளது