అబ్బాయితో అమ్మయికి మంచి స్పందన - రమేష్ వర్మ
- IndiaGlitz, [Monday,January 04 2016]
రమేష్ వర్మ ద‌ర్శ‌క‌త్వంలో తెర‌కెక్కిన అబ్బాయితో అమ్మాయి జ‌న‌వ‌రి 1న విడుద‌లైంది. ఈ సినిమాకు మంచి స్పందన వ‌స్తోంద‌ని రమేష్ వర్మ చెప్పారు. నాగ‌శౌర్య, ప‌ల‌క్ ల‌ల్వాని క‌లిసి న‌టించిన సినిమా ఇది. ఈ సినిమా గురించి సోమ‌వారం ఉద‌యం హైద‌రాబాద్‌లో స‌క్సెస్ మీట్ను నిర్వ‌హించారు. ఈ కార్య‌క్ర‌మంలో నాగ‌శౌర్య, రమేష్ వర్మ, ప‌ల‌క్ ల‌ల్వాని, శాస్త్రి, ఎగ్జిక్యూటివ్ నిర్మాత కొడాలి ముర‌ళీ కృష్ణ త‌దిత‌రులు పాల్గొన్నారు.
రమేష్ వర్మ మాట్లాడుతూ ''సినిమాను పెద్ద హిట్ చేసిన వారికి ధ‌న్య‌వాదాలు. మాకు అన్ని ఏరియాల నుంచీ మంచి స్పందన వ‌స్తోంది. క‌లెక్ష‌న్లు క్ర‌మేణ పెరుగుతున్నాయి. సినిమాను ఇంకా ఆద‌రిస్తార‌నే న‌మ్మ‌కం ఉంది'' అని అన్నారు.
నాగ‌శౌర్య మాట్లాడుతూ ''మంచి సినిమాను ఇచ్చిన ర‌మేశ్ గారికి థాంక్స్. ఈ సినిమా స‌క్సెస్‌లో భాగ‌మైన అంద‌రికీ ధ‌న్య‌వాదాలు. పైర‌సీని ఎంక‌రేజ్ చేయొద్దు. మా సినిమాను థియేట‌ర్ల‌లోనే చూడండి'' అని చెప్పారు.
క‌లెక్ష‌న్లు స్ట‌డీగా ఉన్నాయ‌ని శాస్త్రి అన్నారు.
మంచి సినిమాలో న‌టించినందుకు ఆనందంగా ఉంద‌ని ప‌ల‌క్ ల‌ల్వాని చెప్పారు.
కొత్త ఏడాదిలో మంచి స‌క్సెస్‌ను చ‌విచూసినందుకు ఆనందంగా ఉంద‌ని ఎగ్జిక్యూటివ్ నిర్మాత ముర‌ళీకృష్ణ కొడాలి చెప్పారు.