బాబాయ్ టైటిల్ తో అబ్బాయ్.....
- IndiaGlitz, [Wednesday,August 17 2016]
నంద‌మూరి బాల‌కృష్ణ, సుహాసిని న‌టించిన మంగమ్మ‌గారి మ‌న‌వ‌డు సినిమాలో దంచ‌వే మేనత్త కూతురా.. అనే సాంగ్ ఎంత పెద్ద హిట్ అయ్యిందో మ‌న‌కు తెలిసిందే. ఈ సాంగ్‌ను నాని హీరోగా రూపొందిన రైడ్ చిత్రంలో రీమిక్స్ కూడా చేశారు. కాగా తాజా స‌మాచారం ప్ర‌కారం ఇదే టైటిల్ అంటే దంచ‌వే మేనత్త కూతురా...అనే టైటిల్‌తో క‌ల్యాణ్‌రామ్ హీరోగా ఓ సినిమా రూపొందనుందని, ఈ చిత్రాన్ని బివిఎస్ఎన్ ప్రసాద్ నిర్మిస్తార‌ని, జి.నాగేశ్వ‌ర‌రెడ్డి ద‌ర్శ‌క‌త్వం వ‌హిస్తార‌ని ఫిలింన‌గ‌ర్‌లో వార్త‌లు విన‌ప‌డుతున్నాయి. ప్ర‌స్తుతం బివిఎస్ఎన్ ప్రసాద్, నాగేశ్వ‌ర‌రెడ్డి కాంబినేష‌న్‌లో ఇంట్లో దెయ్యం నాకేం భ‌యం అనే సినిమా రూపొందుతోంది. ఈ సినిమా తర్వాత దంచ‌వే మేనత్త కూతురా..సినిమా రూపొందనుందని వార్త‌లు చ‌క్క‌ర్లు కొడుతున్నాయి.