బాబాయ్ ప్లేస్ లో అబ్బాయ్
- IndiaGlitz, [Tuesday,November 13 2018]
బాబాయ్ నంద‌మూరి బాల‌కృష్ణ ప్ర‌స్తుతం త‌న తండ్రి.. దివంగ‌త ముఖ్య‌మంత్రి ఎన్టీఆర్ బ‌యోపిక్ 'య‌న్‌.టి.ఆర్'ను రూపొందిస్తున్న సంగ‌తి తెలిసిందే. అందులో మొద‌టిది 'య‌న్‌.టి.ఆర్ క‌థానాయ‌కుడు' జనవరి 9న విడుద‌ల‌వుతుంది. రెండో భాగం 'య‌న్‌.టి.ఆర్ మ‌హానాయ‌కుడు' జనవరి 24న విడుద‌ల‌వుతుంద‌ని చిత్ర యూనిట్ ఇది వ‌రకే ప్ర‌క‌టించింది.
నంద‌మూరి బాల‌కృష్ణ హీరోగా న‌టిస్తూ నిర్మిస్తున్న చిత్ర‌మిది. జాగ‌ర్ల‌మూడి క్రిష్ ద‌ర్శ‌కుడు. లేటెస్ట్‌గా ఈ సినిమా రెండో భాగం 'య‌న్‌.టి.ఆర్ మ‌హానాయ‌కుడు' విడుద‌ల‌ను కాస్త వెన‌క్కి తీసుకెళ్లాల‌ని యూనిట్ ఆలోచిస్తుంద‌ని వార్త‌లు వ‌స్తున్నాయి. సినిమాను ఫిబ్ర‌వ‌రి 14న విడుద‌ల చేస్తార‌ని వార్త‌లు విన‌ప‌డుతున్నాయి.
కాబ‌ట్టి కె.వి.గుహ‌న్ దర్శకత్వంలో చేస్తున్న స‌స్పెన్స్ థ్రిల్ల‌ర్‌ను జనవరి 24న విడుద‌ల చేయ‌డానికి క‌ల్యాణ్ రామ్ సన్నాహాలు చేసుకుంటున్నాడ‌ని ఫిలింన‌గ‌ర్ వ‌ర్గాల స‌మాచారం.