பிக்பாஸ் டைட்டில் வின்னர் ஆரியின் முதல் வீடியோ!
- IndiaGlitz, [Monday,January 18 2021]
பிக்பாஸ் நிகழ்ச்சி 105 நாட்கள் நடந்த நிலையில் நேற்று நடைபெற்ற இறுதிப்போட்டியில் ஆரி டைட்டில் வின்னர் ஆக தேர்வு செய்யப்பட்டார் என்பதை ஏற்கனவே பார்த்தோம். இந்த நிலையில் பிக்பாஸ் டைட்டில் வென்ற ஆரி தனது டுவிட்டரில் முதல் முதலாக ’எல்லா புகழும் உங்களுக்கே’ என்று பதிவு செய்த நிலையில் தற்போது அவர் வீடியோ ஒன்றையும் பதிவு செய்துள்ளார்
அந்த வீடியோவில் அவர் கூறியிருப்பதாவது: மாதா பிதா குரு தெய்வத்திற்கு வணக்கம். நான் பேசும் என் தாய்மொழி தமிழுக்கு முதல் வணக்கம். இந்த பிக்பாஸ் வீட்டில் எனக்கு கிடைத்த வெற்றி, என்னுடைய வெற்றி அல்ல. உங்களுடைய வெற்றி. உழைக்கும் வர்க்கத்திற்கு கிடைத்த வெற்றி. உழைக்கும் சமுதாயத்திற்கு கிடைத்த வெற்றி. உழைக்கும் மக்களுக்கு கிடைத்த வெற்றி.
இந்த வாரம் என்னுடைய அதிகாரபூர்வ ட்விட்டர் பக்கத்தில் உங்களை நான் சந்திக்கிறேன் என்று கூறியுள்ளார். மேலும் அவரது அருகில் பிக்பாஸ் கோப்பையும் இருந்தது என்பது குறிப்பிடத்தக்கது. பிக்பாஸ் டைட்டில் பட்டத்தை வென்ற பின்னர் ஆரி பதிவு செய்துள்ள இந்த வீடியோ தற்போது வைரல் ஆகி வருகிறது என்பது குறிப்பிடத்தக்கது