பிக்பாஸ் நிகழ்ச்சி கடந்த 98 நாட்களாக நடைபெற்று வரும் நிலையில் முதல் மூன்று வாரம் முடிந்த பின்னர் ஆரி தான் டைட்டில் வின்னர் என்பது கிட்டத்தட்ட தெரிந்து விட்டது. அப்போது முதல் இன்று வரை அவருக்கு இருக்கும் ஆதரவாளர்களின் எண்ணிக்கை அதிகரித்துக் கொண்டே வருகிறது என்பதும் ஒவ்வொரு முறை அவர் நாமினேட் செய்யப்படும் போது முதலில் சேவ் செய்யப்படுகிறார் என்பதையும் பார்த்து வருகிறோம்.

இந்த நிலையில் தமிழகம், இந்தியா தாண்டி ஆஸ்திரேலியாவிலும் ஆரிதான் டைட்டில் வின்னர் ஆக வேண்டும் என அவரது ரசிகர்கள் பதாகையை காண்பித்துள்ளது பெரும் பரபரப்பை ஏற்படுத்தி உள்ளது.

தற்போது இந்தியா மற்றும் ஆஸ்திரேலியா அணிகளுக்கு இடையே நடைபெற்று வரும் மூன்றாவது கிரிக்கெட் போட்டியில் பார்வையாளர்களாக கலந்து கொண்ட ஆரியின் ரசிகர்கள் ’பிக்பாஸ் சீசன் 4 டைட்டில் வின்னர் ஆரிதான்’ என்றும் ’கடவுள் இருக்கான் குமாரு’ என்றும் பதாகைகளில் எழுதி காண்பித்துள்ள வீடியோ காட்சி சமூக வலைத்தளங்களில் வைரலாகி வருகிறது.

ஆரி தான் டைட்டில் வின்னர் என்று கடல் கடந்து அவரது ஆர்மியினர் ஆதரவு அளித்து வருவது பிக்பாஸ் நிகழ்ச்சி குழுவினர்களுக்கே ஆச்சரியமான ஒன்றுதான்!