பிக்பாஸ் நிகழ்ச்சியில் ஃபினாலே இன்னும் சில மணி நேரங்களில் ஆரம்பிக்கவுள்ள நிலையில் இன்றைய நிகழ்ச்சியின் முடிவில் பிக்பாஸ் தமிழ் சீசன் 4 டைட்டில் வின்னர் யார் என்பது தெரிந்துவிடும்.

ஏற்கனவே பிக்பாஸ் நிகழ்ச்சியை ரெகுலராக பார்க்கும் பார்வையாளர்கள் அனைவருக்கும் இந்த முடிவு தெரிந்ததுதான் என்றாலும் வின்னர் யார் என்பதை கமல்ஹாசன் அறிவிக்கும் போது ஏற்படும் உற்சாகத்தைக் காண அனைவரும் தொலைக்காட்சியின் மீது கண் வைத்து காத்திருக்கின்றனர் என்பது குறிப்பிடத்தக்கது.

இந்த நிலையில் பிக்பாஸ் தமிழ் சீசன் 4 டைட்டில் வின்னர் குறித்த அறிவிப்பு அதிகாரபூர்வமாக வெளிவருவதற்கு முன்னரே விக்கிப்பீடியாவில் பிக்பாஸ் தமிழ் சீசன் 4 டைட்டில் வின்னர் ஆரி தான் என்று பதிவு செய்யப்பட்டிருப்பது பெரும் பரபரப்பை ஏற்படுத்தி உள்ளது.

இதனை ஆரியின் ஆர்மியினர் ஸ்க்ரீன்ஷாட் எடுத்து சமூக வலைதளங்களில் வைரலாக்கி வருகின்றனர். பிக்பாஸ் வரலாற்றில் டைட்டில் வின்னர் அறிவிக்கும் முன்னரே விக்கிப்பீடியாவில் இதுபோன்ற ஒரு பதிவு இதற்கு முன்னர் பதிவு செய்யப்பட்டிருக்குமா? என்பது சந்தேகமே.