பிந்துமாதவி வருகை ஆரவ் மனதை மாற்றியதா? திடுக்கிடும் திருப்பம்
- IndiaGlitz, [Monday,July 31 2017]
பிக்பாஸ் வீட்டில் தனி ராஜாங்கம் நடத்தி வரும் ஓவியாவை வெல்வதற்கு சக போட்டியாளர்களால் முடியாது என்பதால்தான் பிந்துமாதவி இறக்குமதி செய்யப்பட்டிருப்பதாக கூறப்படுகிறது. எனினும் ஒவ்வொரு வாரமும் ஓவியாவை அனைத்து பங்கேற்பாளர்களும் நாமினேட் செய்தாலும் ஆரவ் மட்டும் அவருக்கு தொடர்ந்து ஆதரவு கொடுத்து வந்தார். ஆரவ் தன்னை நாமினேட் செய்திருக்க மாட்டார் என்றும் நேற்று ஓவியா நம்பிக்கையுடன் கமலிடம் கூறினார்.
இந்த நிலையில் நேற்று பிந்துமாதவி வந்தவுடனே ஆரவ்விடம் திடீர் மாற்றம் ஏற்பட்டுள்ளதாக தெரிகிறது. சற்றுமுன் வெளியான புரமோ வீடியோவில் ஓவியாவை நாமினேட் செய்கிறார் ஆரவ். இது நேயர்களுக்கு அதிர்ச்சியை ஏற்படுத்தியுள்ளது. அதேபோல் பிந்துமாதவி உள்ளே வந்ததும் கட்டிப்பிடித்து மகிழ்ச்சி அடைந்த முதல் நபர் காயத்ரிதான். ஆனால் அந்த காயத்ரியை வெளியேற்றுமாறு பிந்துமாதவி நாமினேட் செய்கிறார்.
சக்தி கொஞ்சம் வெறுப்புடன் 'ஒவ்வொரு வாரமும் நாங்க ஓவியாவை நாமினேட் செய்கிறோம், ஆனால் நீங்க காப்பாத்திக்கிடே இருக்கிங்க, என்னமோ போங்க' என்று கொஞ்சம் சலிப்புடன் மீண்டும் ஓவியாவை நாமினேட் செய்கிறார்.
பிக்பாஸ் வீட்டில் இப்போதுதான் சுவாரஸ்யம் அதிகரித்து திடீர் திடீர் திருப்பங்கள் ஏற்பட தொடங்கியுள்ளது. மீதியுள்ள நாட்களில் என்னென்ன திருப்பங்கள் ஏற்பட போகிறது என்பதை பொறுத்திருந்து பார்ப்போம்.