முடிவுக்கு வந்த ஓவியாவின் அடுத்த பட படப்ப்பிடிப்பு!
- IndiaGlitz, [Monday,March 11 2019]
பிக்பாஸ் புகழ் ஓவியா நடித்த '90ml' திரைப்படம் சமீபத்தில் வெளிவந்து கலவையான, சர்ச்சைக்குரிய விமர்சனங்களை பெற்றது. இருப்பினும் இந்த படத்தின் வசூல் எதிர்பார்த்த அளவு இருந்ததாக செய்திகள் வெளிவந்துள்ளது.
இந்த நிலையில் ராகவா லாரன்ஸ் இயக்கத்தில் ஓவியா நடித்து வந்த 'காஞ்சனா 3' திரைப்படம் வரும் ஏப்ரல் மாதம் வெளியாகவிருப்பதாக அறிவிக்கப்பட்டுள்ளது. இந்த படத்திற்கு நல்ல எதிர்பார்ப்பு இருந்து வரும் நிலையில் ஓவியா சிறப்பு தோற்றத்தில் நடித்து வந்த 'ராஜபீமா' என்ற படத்தின் படப்பிடிப்பு நேற்றுடன் முடிவுக்கு வந்தது, இந்த படத்தில் பிக்பாஸ் புகழ் ஆரவ், நாயகனாக நடித்து வருகிறார் என்பது குறிப்பிடத்தக்கது.
நரேஷ் சம்பத் இயக்கத்தில் உருவாகியிருக்கும் இந்த படத்தில் ஆரவ்வுக்கு ஜோடியாக ஆஷிமா நார்வல் நடித்துள்ளார். இவர் விஜய் ஆண்டனியின் 'கொலைகாரன்' படத்திலும் நாயகியாக நடித்து வருகிறார் என்பது குறிப்பிடத்தக்கது. சைமன் கிங் இசையில் சதீஷ்குமார் ஒளிப்பதிவில் கோபிகிருஷ்ணா படத்தொகுப்பில் உருவாகி வரும் இந்த படத்தில் சிறப்புத்தோற்றத்தில் நடித்துள்ள ஓவியா, ஒரு பாடலுக்கு நடனமும் ஆடியுள்ளார் என்பது குறிப்பிடத்தக்கது.