இந்திய சினிமாவில் சிறந்த 10 படங்களை தேர்வு செய்தால் அதில் தியாகராஜன் குமாரராஜா இயக்கிய 'ஆரண்ய காண்டம்' திரைப்படம் நிச்சயம் இடம்பெறும். அந்த அளவுக்கு அந்த படம் அனைத்து தரப்பினர்களையும் கவர்ந்தது.

இந்த நிலையில் இந்த படத்தில் உதவி இயக்குனராக பணிபுரிந்த பிரபல ஸ்டண்ட் இயக்குனர் திலீப் சுப்பராஜன் இந்த படம் குறித்து கூறியபோது, 'ஆரண்ய காண்டம்' படத்தின் முழு வடிவம் இன்னும் வெளியாகவில்லை. ரசிகர்கள் பார்த்தது அந்த படத்தின் 60% மட்டுமே. முழு படமும் பார்த்தால் பிரமிப்பாக இருக்கும். குறிப்பாக படத்தின் ஆரம்ப காட்சியே ஒரே ஷாட்டில் எடுக்கப்பட்ட ஒன்பதரை நிமிட காட்சிகள் ஆகும். ஆனால் அந்த காட்சி படத்தில் சில காரணங்களால் வெளியாகவில்லை.

'ஆரண்ய காண்டம்' படத்தின் பெரும்பாலான காட்சிகள் சென்சாரில் வெட்டப்பட்டது. முழுப்படமும் வெளிவந்திருந்தால் இந்திய சினிமாவில் அது ஒரு மறக்க முடியாத படமாக இருந்திருக்கும்' என்று கூறினார்

மேலும் இயக்குனர் தியாகராஜன் குமாரராஜா தற்போது இயக்கி வரும் 'சூப்பர் டீலக்ஸ்' படத்திலும் தான் பணிபுரிந்துள்ளதாகவும், விஜய்சேதுபதியை இந்த படத்தில் அனைவரும் வித்தியாசமான தோற்றத்தில் பார்ப்பீர்கள் என்றும், படம் சூப்பராக வந்துள்ளது என்றும் திலீப் சுப்பராயன் மேலும் கூறினார்.