பிரபல நடிகரின் இசை வெளியீட்டு விழா ஒத்திவைப்பு
- IndiaGlitz, [Monday,July 30 2018]
அரசியல் உலகில் மட்டுமின்றி திரையுலகிலும் சாதனை புரிந்த திமுக தலைவர் கருணாநிதி உடல்நலமின்றி மருத்துவமனையில் சிகிச்சை பெற்று வருவதால் தமிழகமே ஒருவித அசாதாரண சூழ்நிலையில் உள்ளது.
இந்த நிலையில் வரும் ஆகஸ்ட் 1ஆம் தேதி நடைபெறவிருந்த பிரபல நடிகர், இயக்குனர் சமுத்திரக்கனியின் 'ஆண்தேவதை' படத்தின் இசை வெளியிட்டு விழா ஆகஸ்ட் 10ஆம் தேதிக்கு ஒத்திவைக்கப்பட்டுள்ளது. இதனை உறுதி செய்யும் வகையில் ஒன்று பத்தாகிறது என ஒரு புதிய போஸ்டர் ஒன்று வெளியாகியுள்ளது.
சமுத்திரக்கனி, ரம்யா பாண்டியன், அறந்தாங்கி நிஷா, ராதாரவி, இளவரசு, சுஜா, காளிவெங்கட் உள்பட பலர் நடித்துள்ள இந்த படத்தை தாமிரா இயக்கியுள்ளார். ஜிப்ரான் இசையில் விஜய் மில்டன் ஒளிப்பதிவில், காசி விஸ்வநாதன் படத்தொகுப்பில் உருவான இந்த படத்தை சிகரம் சினிமாஸ் நிறுவனம் தயாரித்துள்ளது.