దిల్ రాజు సంస్థ‌లో వ‌రుస చిత్రాల్లో ఆమ‌ని...
- IndiaGlitz, [Monday,June 11 2018]
ఆమ‌ని.. నిన్న‌టి త‌రం ప్రేక్ష‌కుల‌కు ప‌రిచ‌యం అక్క‌ర్లేని పేరు. మిస్ట‌ర్ పెళ్ళాం, శుభ‌ల‌గ్నం, శుభ సంక‌ల్పం, మావిచిగురు చిత్రాల‌తో న‌టిగా నిరూపించుకున్న ఆమ‌ని.. ప‌చ్చ‌ని సంసారం, అమ్మ‌దొంగా, ఘ‌రానా బుల్లోడు, వంశానికొక్క‌డు లాంటి స్టార్ హీరోల సినిమాల‌తోనూ విజ‌యాల‌ను అందుకున్నారు.
ఇటీవ‌ల కాలంలో క్యారెక్ట‌ర్ ఆర్టిస్ట్‌గా ట‌ర్న్ అయిన ఆమ‌ని.. తాజాగా భ‌ర‌త్ అనే నేనులో మ‌హేష్ బాబు త‌ల్లిగా ప్రారంభ స‌న్నివేశాల్లో క‌నిపించారు.
ఇదిలా ఉంటే.. ప్ర‌స్తుతం ఆమ‌ని రెండు ఆస‌క్తిక‌ర‌మైన ప్రాజెక్ట్స్‌లో న‌టిస్తున్నారు. ఆ చిత్రాలే శ్రీ‌నివాస క‌ళ్యాణం, హ‌లో గురు ప్రేమ కోస‌మే. ఈ రెండు చిత్రాల‌ను నిర్మిస్తోంది దిల్ రాజు సంస్థ కావ‌డం గ‌మ‌నార్హం. ఇదివ‌ర‌కు ఇదే సంస్థ‌లో ఆమ‌ని న‌టించిన ఎంసీఏ మంచి విజయం సాధించింది.
ఈ నేప‌థ్యంలో ఈ రెండు చిత్రాలు కూడా విజయం సాధిస్తే.. జ‌య‌సుధ త‌ర‌హాలో దిల్ రాజు సంస్థ‌కు క‌లిసొచ్చిన మ‌రో క్యారెక్ట‌ర్ ఆర్టిస్ట్‌గా ఆమ‌ని కూడా పేరు తెచ్చుకుంటారు.