தளபதி விஜய் நடித்த 'சர்கார்' திரைப்படம் இதுவரை இல்லாத வகையில் மிக பிரமாண்டமாக நாளை உலகம் முழுவதும் வெளியாகவுள்ளது. இந்த படத்தை முதல் நாள் முதல் காட்சி பார்க்க விஜய் ரசிகர்கள் மிகுந்த ஆர்வத்துடன் உள்ளனர். ஒரு வாரத்திற்கு முன்பே திரையரங்குகளில் கட் அவுட், பேனர்கள் வைத்து விஜய் ரசிகர்கள் அசத்தி வருகின்றனர்.

மேலும் விஜய் படம் என்றாலே ஒருசில திரையரங்குகளே திருவிழா கொண்டாட்டம் போல் நடத்துவது உண்டு. அந்த வகையில் நெல்லை ராம்சினிமா திரையரங்கம் 'சர்கார்' படத்தை நாளை திரையிடவுள்ள நிலையில் விஜய் ரசிகர்களுக்கு ஒரு இன்ப அதிர்ச்சியை அளித்துள்ளது.

நாளை முதல் காட்சிக்கு மட்டும் 'சர்கார்' படம் திரையிடுவதற்கு முன் 'மெர்சல்' படத்தில் இடம்பெற்ற 'ஆளப்போறான் தமிழன்' பாடலை மட்டும் விஜய் ரசிகர்களுக்காக திரையிடவுள்ளதாக அறிவித்துள்ளது. இந்த அறிவிப்பு விஜய் ரசிகர்களுக்கு 'சர்கார்' படத்துடன் கூடுதல் போனஸ் என்பது குறிப்பிடத்தக்கது.