ఒక విచిత్రం సినిమాతో తెలుగు సినిమాల్లోకి తెరంగేట్రం చేసి గుండెల్లో గోదారి, స‌రైనోడు, మ‌లుపు స‌హా ప‌లు చిత్రాల్లో విభిన్న‌మైన పాత్ర‌ల‌తో మెప్పించిన యువ క‌థానాయ‌కుడు ఆది పినిశెట్టి హీరోగా రుగ్వేద క్రియేష‌న్స్ బ్యాన‌ర్‌పై య‌జ్ఞం, పిల్లానువ్వులేని జీవితం వంటి సూప‌ర్‌హిట్ చిత్రాల ద‌ర్శ‌కుడు ఎ.య‌స్‌.ర‌వికుమార్ చౌద‌రి ద‌ర్శ‌క‌త్వంలో ఓ కొత్త చిత్రం ప్రారంభం కానుంది.

ఆది పినిశెట్టి మంచి స్క్రీన్ ప్రెజెన్స్ ఉన్న హీరో, బెస్ట్ పెర్‌పార్మర్‌. ఆది న‌టించిన గ‌త చిత్రాలే ఇందుకు ఉదాహ‌ర‌ణ‌లు. కామెడి, ల‌వ్‌, యాక్ష‌న్‌, ఎమోష‌న్స్‌, ఎంట‌ర్‌టైన్‌మెంట్ ఇలా అన్నీ ఎలిమెంట్స్ ఉన్న అద్భుత‌మైన క‌థ కుదిరింది. ఈ క‌థ‌కు ఆది పినిశెట్టి అయితే యాప్ట్ అవుతాడ‌ని త‌న‌కు క‌థ‌ను చెప్పాను. త‌న‌కు క‌థ న‌చ్చంది. అలాగే సినిమా మేకింగ్‌లో ఎక్క‌డా కాంప్ర‌మైజ్ కాకుండా సినిమాను రూపొందిస్తాం. త్వ‌ర‌లోనే ప్రారంభం కానున్న ఈ సినిమాకు సంబంధించిన న‌టీన‌టులు, టెక్నిషియ‌న్స్ వివ‌రాల‌ను తెలియ‌చేస్తాం అని ద‌ర్శ‌కుడు ఎ.య‌స్‌.ర‌వికుమార్ చౌద‌రి తెలిపారు.