ఆది సాయికుమార్ హీరోగా న‌టిస్తోన్నచిత్రం `బుర్ర‌క‌థ`. ఈ చిత్రంలో ఆది సాయికుమార్ ఫ‌స్ట్‌లుక్‌ను విడుద‌ల చేశారు. డిఫ‌రెంట్ షేడ్స్‌తో స‌రికొత్త హెయిర్ స్టైల్‌తో ఆది ఆక‌ట్టుకుంటున్నాడు. ర‌చ‌యిత డైమండ్ ర‌త్న‌బాబు ఈ చిత్రంతో ద‌ర్శ‌కుడిగా మారారు. దీపాల ఆర్ట్స్ బ్యాన‌ర్‌పై హెచ్‌.కె.శ్రీకాంత్ దీపాల ఈ చిత్రాన్ని నిర్మించారు.

ఒక మ‌నిషికి రెండు మెద‌ళ్లు ఉంటే ఎలా ఉంటుంద‌నే కాన్సెప్ట్‌తో తెరకెక్కిన కామెడీ ఎంట‌ర్‌టైరే `బుర్ర‌క‌థ‌`. క‌థానుగుణంగానే ఫ‌స్ట్ లుక్‌ను రెండు షేడ్స్‌లో ఉండేలా డిజైన్ చేసి విడుద‌ల చేశారు. ఈ చిత్రం షూటింగ్ పూర్త‌య్యింది. పోస్ట్ ప్రొడ‌క్ష‌న్ కార్య‌క్ర‌మాలు శ‌రవేగంగా జ‌రుగుతున్నాయి. స‌మ్మ‌ర్‌లో సినిమాను విడుద‌ల చేయ‌డానికి ద‌ర్శ‌క నిర్మాత‌లు ప్లాన్ చేస్తున్నారు.

మిస్తీ చ‌క్ర‌వ‌ర్తి, నైరా షా హీరోయిన్స్‌గా న‌టిస్తోన్న ఈ చిత్రంలో రాజేంద్ర ప్ర‌సాద్‌, పోసాని కృష్ణ‌ముర‌ళి త‌దిత‌రులు ఇత‌ర పాత్ర‌ల్లోన‌టించారు. సాయికార్తీక్ సంగీతాన్ని అందించారు.