மகிழ் திருமேனிக்கும் ஆதிக் ரவிச்சந்திரனுக்கும் உள்ள ஒரே ஒரு வித்தியாசம்: அஜித் பெருமிதம்..!
- IndiaGlitz, [Sunday,June 02 2024]
அஜித் தற்போது மகிழ் திருமேனி இயக்கத்தில் உருவாகி வரும் ’விடாமுயற்சி’ மற்றும் ஆதிக் ரவிச்சந்திரன் இயக்கத்தில் உருவாகி வரும் ’குட் பேட் அக்லி’ ஆகிய இரண்டு படங்களில் நடித்து வருகிறார்.
தற்போது ’குட் பேட் அக்லி’ படத்தின் படப்பிடிப்பு ஹைதராபாத்தில் நடைபெற்று வரும் நிலையில் ஜூன் 7ஆம் தேதி இந்த படத்தின் முதற்கட்ட படப்பிடிப்பு முடிந்த பின்னர் அவர் ’விடாமுயற்சி’ படத்தின் படப்பிடிப்புக்கு செல்வார் என்று எதிர்பார்க்கப்படுகிறது.
இந்த நிலையில் ’விடாமுயற்சி’ படத்தின் படப்பிடிப்பின்போது இயக்குனர் மகிழ் திருமேனி அஜித் நடிப்பை சுலபத்தில் ஓகே சொல்ல மாட்டார் என்றும் அடுத்தடுத்த டேக் கேட்பார் என்று கூறப்படுகிறது. ஆனால் ஆதிக் ரவிச்சந்திரன், அஜித் நடிப்பை ஒரே டேக்கில் ஓகே செய்து விடுவதாகவும், ஒரு டேக் முடிந்தவுடன் ’சூப்பர் சார், இதைத்தான் நான் எதிர்பார்த்தேன்’ என்று ஆதிக் அஜித்தை பாராட்டுவதாகவும் கூறப்படுகிறது.
மகிழ் திருமேனி மாதிரி அடுத்தடுத்த டேக்குகள் இழுத்தடிக்காமல் ஒரே டேக்கில் ஆதிக் படத்தை ஸ்பீடாக கொண்டு சென்று கொண்டிருப்பதை அடுத்து மீண்டும் அவரது இயக்கத்தில் அஜித் நடித்த வாய்ப்பிருப்பதாகவும் கூறப்படுகிறது.