రచయిత గా మంచి పేరు సంపాదించుకున్న డైమండ్ రత్న బాబు తొలిసారి డైరెక్టర్ గా రాబోతున్నారు.. శుక్రవారం లాంచ్ అయిన ఈ సినిమాలో యంగ్ హీరో ఆది సాయి కుమార్ హీరో గా నటిస్తున్నారు..'బుర్రకథ' అనేది సినిమా టైటిల్.. టాలీవుడ్ లోని ప్రముఖ రచయితలు ఈ సినిమా ఓపెనింగ్ కి ముఖ్య అతిధులుగా హాజరయ్యారు.. ప్రముఖ రచయిత పరుచూరి గోపాల కృష్ణ సినిమాలోని హీరో ఫస్ట్ సీన్ కి క్లాప్ ని అందించగా , లిరిసిస్ట్ , రచయిత అయిన శివ శక్తి దత్తా కెమెరా స్విచ్ ఆన్ చేసారు..

ఈ సందర్భంగా చిత్ర దర్శకుడు డైమండ్ రత్న బాబు మాట్లాడుతూ, ఈ రోజు చాల హ్యాపీ గా ఉంది.. ఎందుకంటే నా తోటి రచయితలు, పెద్దలు ఈ సినిమా ఓపెనింగ్ వచ్చి డైరెక్టర్గా తొలి చిత్రం చేస్తున్న నన్ను ఆశీర్వదించినందుకు..అలాగే ఈ సందర్భంగా నా ప్రొడ్యూసర్స్ కి థాంక్స్ చెప్తున్నాను.. నాకు టాప్ టెక్నిషియన్స్ ని ఇచ్చి సపోర్ట్ చేసినందుకు.. కథ చెప్పిన వెంటనే సినిమా ని ఓకే చేసి నా పై నమ్మకం ఉంచిన హీరో ఆది సాయి కుమార్ గారికి కృతజ్ఞతలు.. ఈ సినిమా ద్వారా స్క్రీన్ ప్లే రైటర్స్ ని పరిచయం చేస్తున్నాను.. వారి కి ఈ సినిమా మంచి పేరు తేవాలని కోరుకుంటున్నాను.. అన్నారు..

రచయిత శివ శక్తి దత్త మాట్లాడుతూ, ఈ సినిమా ఓపెనింగ్ కార్యక్రమానికి వచ్చినందుకు సంతోషంగా ఉంది.. ఈ సినిమాలో ఒక పాట రాస్తున్నాను.. ఈ సినిమా సక్సెస్ అయ్యి చిత్ర బృందానికి మంచి పేరు తీసుకురావాలని కోరుకుంటున్నాను.. అన్నారు..

హీరో ఆది సాయి కుమార్ మాట్లాడుతూ,ఇక్కడికి వచ్చిన మీడియా మిత్రులందరికీ చాల థాంక్స్.. ఈ సంవత్సరంలో ఇది నా మూడో సినిమా.. ఈ మూడు సినిమాలు నాకు ఎంతో ఎక్జాయిటింగ్ గా ఉన్నాయి.. ముఖ్యంగా ఈ సినిమా చేయడం ఎంతో థ్రిల్ గా ఉంది.. రత్నబాబు గారు మంచి ఫ్రెష్ లైన్ తో వచ్చారు.. ఇందులో నా పాత్ర డిఫరెంట్ గా చాల బాగుంది.. టాప్ టెక్నిషియన్స్ తో ఈ సినిమా చేయడం ఎంతో హ్యాపీ గా ఉంది.. అన్నారు..

నిర్మాత శ్రీకాంత్ దీపాల మాట్లాడుతూ.. మా బ్యానర్ లో ఇది రెండో సినిమా.. బుర్రకథ తప్పకుండ ఓ మంచి సినిమా అవుతుంది.. డెఫినెట్లీ ఈ సినిమా ద్వారా మా బ్యానర్ కి మంచి పేరొస్తుంది.. రేపటినుంచి ఈ సినిమా రెగ్యులర్ షూటింగ్ మొదలవుతుంది.. ఇంకో వారంలో సినిమా కి సంబంధించిన హీరోయిన్స్, ఇతర నటీనటులు కన్ ఫర్మ్ అవుతారు.. అన్నారు.