యువ హీరో ఆది న‌టించిన తాజా చిత్రం గ‌రం. ఈ చిత్రాన్ని పెళ్లైన కొత్త‌లో...ఫేం మ‌ద‌న్ తెర‌కెక్కించారు. సాయికుమార్ నిర్మాణ రంగంలో ప్ర‌వేశించి తొలి ప్ర‌య‌త్నంగా ఆది తో గ‌రం చిత్రాన్ని నిర్మించారు. వైవిధ్య‌మైన క‌ధాంశంతో రూపొందిన గ‌రం ఈ నెల 12న ప్రేక్ష‌కుల ముందుకు వ‌చ్చేందుకు రెడీ అవుతుంది.

వ‌రుస ప‌రాజ‌యాల‌తో స‌త‌మ‌త‌మ‌వుతున్న ఆది గ‌రం సినిమా విజ‌యం పై మాత్రం చాలా న‌మ్మ‌కంగా ఉన్నాడు. ఎందుకంత న‌మ్మ‌కంగా ఉన్నాడంటే...గ‌రం ఆదికి ఏడ‌వ సినిమా. ఈ ఏడ‌వ సినిమా అనేది హీరోల‌కు సెంటిమెంట్ గా మారింది. ఖ‌చ్చితంగా ఏడ‌వ సినిమా కెరీర్ లో మ‌ర‌చిపోలేని చిత్రంగా నిలుస్తుంది. మ‌హేష్ బాబు ఒక్క‌డు, ప‌వ‌న్ క‌ళ్యాణ్ ఖుషీ, ఎన్టీఆర్ సింహాద్రి, నాగ చైత‌న్య మ‌నం...వారికి ఏడ‌వ సినిమా కావ‌డం...సూప‌ర్ హిట్ కావ‌డంతో ఆది కూడా త‌న‌కు ఏడవ సినిమా అయిన గ‌రం ఖ‌చ్చితంగా విజ‌యం సాధిస్తుంద‌నే థీమాతో ఉన్నారు. మ‌రి...ఆది న‌మ్మ‌కం నిజ‌మ‌వుతుంద‌ని ఆశిద్దాం.