பிக்பாஸ் சீசன் 4 நிகழ்ச்சி கடந்த 105 நாட்களாக நடைபெற்று வந்த நிலையில் நேற்று முன்தினம் நடைபெற்ற இறுதிப்போட்டியில் ஆரி டைட்டில் வின்னர் ஆகவும் பாலாஜி ரன்னராகவும் தேர்வு பெற்றனர் என்பது தெரிந்ததே

இந்த நிகழ்ச்சியில் இறுதிப்போட்டிக்கு தகுதி பெற்ற ஐவரில் ஒருவர் ரம்யா பாண்டியன் என்பதும் அவர் இறுதி நாளன்று வெளியேற்றப்பட்டார் என்பதும் குறிப்பிடத்தக்கது. இந்த நிலையில் ரம்யா பாண்டியன் பிக்பாஸ் நிகழ்ச்சியில் இருந்து சிங்கப்பெண்ணாக வெளியேறி வீட்டுக்குச் சென்றபோது அவரை அவரது குடும்பத்தினர் சிறப்புடன் வரவேற்றி அசத்தினர்.

ரம்யா பாண்டியன் காரிலிருந்து இறங்கும் போது பட்டாசுகள் வெடிக்க, மேளதாளங்கள் முழங்க மாலை மரியாதையுடன் வரவேற்கப்பட்டார். அவரது தாயாரும், சகோதரரும், உறவினர்களும் ரம்யா பண்டியனுக்கு ஆரத்தி எடுத்து பூங்கொத்து கொடுத்து வரவேற்றனர் என்பதும் குறிப்பிடத்தக்கது

மேலும் மேளதாள சத்தத்தை கேட்டவுடன் ரம்யா பாண்டியன் சாலையிலேயே தன்னை வரவேற்க வந்த தோழிகளுடன் குத்தாட்டம் ஆடினார் என்பதும் உறவினர்களைப் பார்த்து கட்டிப்பிடித்து மகிழ்ச்சி அடைந்தார் என்பது குறிப்பிடத்தக்கது

105 நாட்களுக்கு பின்னர் ரம்யா பாண்டியன் வீட்டிற்கு வந்ததை அடுத்து அவரது குடும்பத்தினர் கேக் வெட்டி கொண்டாடினர். தனது வருகையை மகிழ்ச்சியுடன் கொண்டாடிய அனைவருக்கும் தனது மில்லியன் நன்றி எனவும் ரம்யா பாண்டியன் தனது சமூக வலைத்தளத்தில் குறிப்பிட்டுள்ளார். ரம்யா பாண்டியனை அவரது குடும்பத்தினர் மேளதாளத்துடன் வரவேற்ற வீடியோ தற்போது வைரல் ஆகி வருகிறது

View this post on Instagram

A post shared by Ramya Pandian (@actress_ramyapandian)